Olar mektepterdiń qurylysy men jóndeý jumystaryna jumsalatyn bolady.
Jemqorlyqqa qatysty qylmystyq ister boıynsha tárkilengen 120 mlrd teńge qarajat «Bilim berý ınfraqurylymyn qoldaý qoryna» tústi. Bul týraly búgin Prezıdent Qasym-Jomart Toqaevtyń qabyldaýynda bolǵan Premer-Mınıstrdiń orynbasary – Qarjy mınıstri Erulan Jamaýbaev aıtty, dep habarlaıdy Almaty-akshamy.kz.
Málim bolǵandaı, Memleket basshysynyń tapsyrmasyna sáıkes, sybaılas jemqorlyqqa qatysty qylmystyq ister boıynsha tárkilengen qarajat «Bilim berý ınfraqurylymyn qoldaý qoryna» jiberilip jatyr. Qazirgi kezde arnaıy shotta 120 mlrd teńgege jýyq qarajat jınalǵan. Olar mektepterdiń qurylysy men jóndeý jumystaryna jumsalatyn bolady.
Kezdesý sońynda Qasym-Jomart Toqaev búdjet qarajatyn tıimdi paıdalanýǵa, memleket qarjysynyń jaǵdaıyn jaqsartýǵa, sondaı-aq salyqtyq jáne kedendik ákimshilendirý isin jetildirýge baǵyttalǵan birqatar tapsyrma berdi.
Eske salaıyq, Prezıdent Toqaev byltyr 1 jeltoqsanda jarıalaǵan Joldaýynda: «Jemqorlardyń zańsyz tapqan qarjysy olar sottalǵan soń memleketke ótip, túgeldeı mektep qurylysyna jumsalýy tıis», - dep atap ótken bolatyn.