Sent-Lýıs qalasyndaǵy Vashıngton ýnıversıtetiniń zertteýi jemisterdiń keıbir túrleri qaterli isik aýrýynyń ósýin tezdetýi múmkin ekenin kórsetken, alaıda qazirgi ýaqytta zertteý nátıjeleri tek janýarlar boıynsha rastalǵan, dep habarlaıdy aqshamnews.kz.
Ǵalymdar jemisterdiń teri, sút bezi jáne jatyr moıny qaterli isikterine áserin arnaıy zerttegen.
Zertteý barysynda qaterli isikke shaldyqqan tyshqandar men danıo balyqtaryna uzaq ýaqyt boıy jemister kóp qosylǵan taǵam berilgen. Basqa toptaǵy janýarlarǵa qalypty taǵam berilip, keıin olardyń isikteriniń ósý jyldamdyǵyn salystyrǵan.
Ǵalymdar jemisterdiń qaterli isikter aýrýynyń órshı túsýine septńgńn tıgizedi dep boljaıdy, óıtkeni ol isik kletkalaryna "otyn" bolady. Alaıda, jemisterdiń ózi tikeleı rak kletkalaryna túspeıdi. Onyń ornyna, jemister óńdelgen kezde baýyrda túrli maılar – lıpıdter paıda bolady, olar isik kletkalary úshin "tamaq" retinde paıdalanylady. Bul lıpıdter rak isikteriniń kletkalyq membranalaryn qurý úshin qajetti qurylys elementteri retinde qyzmet etedi.
«Organızmge túsken zattar deni saý kletkalarmen sińirilip, isikterdiń paıdalanýyna jaramdy zattarǵa aınalýy múmkin», – dedi zertteý avtorlarynyń biri, Gerı Pattı.
Sondyqtan ol rak aýrýyna shaldyqqan adamdarǵa jemisterden aýlaq bolýǵa keńes beredi. Sonymen qatar, zertteý nátıjeleri bolashaqta isik ósýine jemisterdiń áserin toqtatý úshin dáriler ázirleýde paıdalanylýy múmkin.
Ǵalymdar klınıkalyq zertteýler júrgizýdi josparlap otyr, biraq adamdar úshin senimdi nátıjelerdi alý birneshe jylǵa sozylýy múmkin.