Almaty ákimimen kezdesýlerde aıtylǵan qala turǵyndarynyń problemalary qalaı sheshilýde
Almaty ákimi Erbolat Dosaev Jetisý aýdanynyń turǵyndarymen kezekti kezdesý ótkizdi. Qala ákimdiginiń baspasóz qyzmetinde 2023 jyldyń qyrkúıeginde aýdan turǵyndarymen kezdesýde megapolıs basshysynyń bergen tapsyrmalarynyń oryndalǵany týraly aıtyldy.
Burynǵy kezdesý kezinde turǵyndar jylý jelilerin rekonstrýksıalaýdyń uzaqqa sozylǵanyn aıtqan edi. Ótken jyldyń qorytyndysy boıynsha Aınabulaq shaǵyn aýdanynda uzyndyǵy 2,2 km jáne Kazakov pen Brodskıı kóshelerinde uzyndyǵy 1,1 km jylý jelilerin jóndeý aıaqtaldy.
- Aýdan jurtshylyǵynyń ótinishi boıynsha myna baǵyttardaǵy №38, 69, 47, 113, 125 avtobýstar jańardy, barlyǵy 102 avtobýs. Sondaı-aq, uzyndyǵy 21,4 km 17 kóshede ortasha jóndeý jáne kólemi 30 myń m2 joldarǵa aǵymdaǵy jóndeý júrgizildi.
- Kezdesý qorytyndysy boıynsha uzyndyǵy 2,7 km 10 ýchaskede trotýarlar salyndy, Soltústik aınalma kóshesi boıynsha 2 baǵdarsham iske qosyldy, 5 jerústi jáne 10 jerasty jaıaý júrginshiler ótkeli jóndeldi.
Ótken jyldyń qyrkúıek aıynda ótken kezdesýde aýdan turǵyndary gúlzarlar men saıabaq aımaqtaryndaǵy jasyl jelekterge kútim jasaý, atap aıtqanda ýaqtyly sýarý máselesin kótergen bolatyn. Nátıjesinde Jangeldın jáne Ratýshnyı skverinde, Qulager shaǵyn aýdanyndaǵy arbatta, Raıymbek dańǵylynyń bólý jolaǵynda avtosýarý sýarý júıesi salyndy.
Budan basqa, qala ákiminiń tapsyrmasy boıynsha ótken jyly №148 mektetiń janyndaǵy 300 oryndyq qosymsha korpýstyń jáne Kemel sh/a aýysymynda 200 adam qabyldaıtyn otbasylyq-dárigerlik ambýlatorıanyń qurylysy aıaqtaldy.