Sınoptıkter Qazaqstan boıynsha sársenbi, 2023 jylǵy 21 maýsymǵa arnalǵan aýa raıy boljamyn usyndy, dep habarlaıdy Zakon.kz.
"Qazgıdromet" RMK bergen málimet boıynsha, respýblıkanyń barlyq aýmaǵynda derlik kún kúrkirep, jańbyr jaýady, soltústikte, shyǵysta, ońtústik-shyǵys pen ortalyqta burshaq jaýýy múmkin, jel turýy múmkin.
"Respýblıkanyń basym bóliginde jel kúsheıedi, ońtústik-shyǵysta, ońtústik-batysta, soltústik-shyǵysta shańdy daýyl turady", – delingen habarlamada.
Boljam boıynsha:
- tótenshe órt qaýpi bar oblystar – Túrkistan, Jambyl, Mańǵystaý, Shyǵys Qazaqstan, Abaı oblystary, Qyzylorda oblysynyń shyǵysynda, batysynda, Pavlodar oblysynyń soltústiginde, batysynda, ortalyǵynda, Atyraý oblysynyń soltústiginde, shyǵysynda, Ulytaý oblysynyń ońtústiginde, Qaraǵandy oblysynyń ortalyǵynda, Qostanaı oblysynyń ońtústik jartysynda;
- joǵary órt qaýpi bar oblystar – Batys Qazaqstan oblysynyń ońtústik-shyǵysynda, ortalyǵynda, Almaty, Jetisý oblysynyń basym bóliginde, Aqtóbe oblysynyń ońtústik-shyǵysynda.