Premer-Mınıstr Álıhan Smaıylov Ekonomıkany jańǵyrtý máseleleri jónindegi memlekettik komısıanyń otyrysyn ótkizip, onda jekeshelendirýdiń 2025 jylǵa deıingi keshendi josparyn qaıta qaraý jónindegi usynystar talqylandy, dep habarlaıdy Almaty-akshamy.kz Inform.kz-ke silteme jasap.
Búgingi tańda jekeshelendirý josparyna 721 uıym engizilgen, onyń ishinde 230-y satylyp, taǵy 50-ge jýyǵy taratý nemese qaıta uıymdastyrý satysynda tur. Bul rette aktıvterdi balanstyq qunnan tómen satýǵa tyıym salý, satyp alýshy men satýshynyń úlestes bolýyna jol bermeý, strategıalyq mańyzdy nysandarǵa memlekettik baqylaýdy saqtaý boıynsha zańnamalyq túzetýler pysyqtalyp jatyr.
Osyǵan baılanysty jańa tásilder negizinde jekeshelendirý tizbesin ózektendirý júrgizildi. Osylaısha, Jekeshelendirý josparyna básekelestik ortaǵa berý ekonomıkaǵa oń septigin tıgizetin jańa uıymdardy engizý usynylyp otyr.
Kompanıalardyń bir bóligin «Samuryq-Qazyna» qory portfeldik kompanıalarynyń IPO arqyly naryqqa shyǵarý josparlanǵan. Premer-Mınıstr Jekeshelendirýdiń keshendi josparyna usynylǵan túzetýlerdi maquldady.