Qazaqstanda jeke mektepterde órt qaýipsizdigi men sanıtarlyq talaptarǵa sáıkestigi tekserildi, dep habarlaıdy aqshamnews.kz.
Nátıjeler kóńil kónshitpeıdi. 542 bilim ornynda 5000-nan astam zań buzýshylyq anyqtaldy.
Jeke bilim uıymdaryn tekserý, olar memlekettik qarjylandyrý alatyndyqtan Joǵary aýdıtorlyq palata tarapynan júrgizilgen. Jalpy 542 mektepke jospardan tys tekserý ótkizildi.
«Tekserý nátıjesinde órt qaýipsizdigi boıynsha 5 219 zań buzýshylyq áshkerelendi. Al 436 mektepte sanıtarlyq normalardyń buzǵany anyqtaldy. Bul úshin 611 jaýapty tulǵa ákimshilik jaýapkershilikke tartylyp, jalpy somasy 82 mıllıon teńgeden asatyn aıyppuldar salyndy», — dep habarlaıdy Joǵary aýdıtorlyq palata.