Keler jyldyń 1 qańtarynan jeke kýálik, pasport, sheteldiktiń Qazaqstanda turýyna ruqsat etetin yqtıarhatyn berý kezinde onyń ıesinen saýsaq izderi alynbaq, dep habarlaıdy Almaty-akshamy.kz.
«Jadynyń syıymdylyǵy keminde 64 Kb bolatyn mıkrosqemada Qazaqstan Respýblıkasy azamatynyń, onyń ishinde adamnyń azamattyǵy men zańdy mekenjaıy, fotosýreti men qoly, 16 jasqa tolǵan jáne «Daktıloskopıalyq jáne genomdyq tirkeý týraly» 2016 jylǵy 30 jeltoqsandaǵy QR Zańynda belgilengen jaǵdaılar boıynsha 12 jastan asqan qujat ıesiniń saýsaq izderi týraly grafıkalyq jáne mátindik aqparat qorǵalǵan túrde saqtalady», - delingen Ashyq NQA portalynda jarıalanǵan İshki ister mınıstriniń buıyryq-jobasynda.
Sondaı-aq qujatta jazylǵandaı, saýsaq izderi azamattardyń jeke kýáliginde, sheteldiktiń Qazaqstanda turýyna ruqsat etetin yqtıarhatynda, azamattyǵy joq adamnyń kýáligine de ornalastyrylady.
«Bul – «Daktıloskopıalyq jáne genomdyq tirkeý týraly» 2016 jylǵy 30 jeltoqsandaǵy QR Zańyna sáıkes 2024 jylǵy 1 qańtardan bastap saýsaq izin tirkeý talabynyń kúshine enýine baılanysty», - dep túsindirme berilgen buıryq-jobasyna.
Qujat 20 shildege deıin kópshilik talqylaýda bolady.