Vashıngtonda jerlengen qazaqtyń jazýshysy Muhtar Maǵaýınniń qabirine arnaıy zıarat jasalyp, týǵan jerinen topyraq jetkizildi, – dep habarlaıdy Aqshamnews.kz tilshisi Qaz365.kz-ke silteme jasap.
Jazýshynyń uly Edige Maǵaýın Abaı oblysy Shubartaý aýdanyndaǵy Bosaǵa óńirinen ákelingen topyraq pen jýsandy ákesi jatqan qabirge saldy. Bul – jazýshyny ata qonysymen sımvoldyq túrde baılanystyrýdy kózdeıtin qazaqy dástúr.
Zıarat rásimine Vashıngtondaǵy Kazakh American Association músheleri qatysyp, Maǵaýınniń rýhyna taǵzym etti.
Eske salaıyq, 2025 jylǵy qańtarda Muhtar Maǵaýın 85 jasqa qaraǵan shaǵynda qaıtys boldy.
Aıta keteıik, Muhtar Maǵaýın – tarıhı romandary men zertteýleri arqyly ulttyq sananyń jańǵyrýyna úles qosqan qalamger. Ol búkil ǵumyryn qazaq tarıhyn túgendeýge arnap, artyna 27 tom eńbek qaldyrdy.