Keshe Azıa oıyndarynda Qazaqstan komandasy bir kúmis jáne úsh qola medal jeńip aldy, dep habarlaıdy almaty-akshamy.kz.
Sapynda Rýslan Qurbanov, Elmır Álimjanov, Erlik Sertaı, Vadım Sharlaımov bar semserlesýden Qazaqstannyń erler quramasy Azıa oıyndarynyń kúmis medalin jeńip aldy. Fınalda bizdiń sportshylar Japonıanyń komandasyna (35:36) ese jiberip aldy.
Velotrekten Qazaqstan erler quramasy (Ramıs Dinmuhamedov pen Artem Zaharov) medıson baǵdarlamasynyń fınalynda 37 upaı jınap, qorjynǵa qola medal saldy.
1: 52: 25 ýaqyt aralyǵynda úsh kezeńnen ótken Aıan Beısenbaev trıatlonnan qolaǵa qol jetkizdi.
Jeńil atletıkadan elimizdiń qorjynyna alǵashqy júldeni Karolın Chepkoech Kıpkırýı saldy. 10 shaqyrymdyq jarysta ol máre syzyǵyn úshinshi kesip ótti.
Shahmattan áıelder quramasy birinshi týrda BAÁ komandasyn 4:0 esebimen jeńdi, erler quramasy Taılandtan 3,5:0,5 esebimen ozyq shyqty.
Sý dobynan Qazaqstan áıelder quramasy Azıa oıyndarynda 4-shi machta Taıland komandasyn 13:8 esebimen jeńdi.
Hokeıden Qazaqstannyń áıelder komandasy Indonezıadan kelgen qarsylastaryn 2:1 esebimen jeńdi.
92 kelige deıingi salmaqta óner kórsetken boksshy Saǵyndyq Toǵaıbaı Irannan kelgen qarsylasyn merziminen buryn jeńip, Azıa oıyndarynyń jartylaı fınalyna shyqty. Al Karına Ibragımova (57 kg) Soltústik Koreıadan kelgen sportshyny jeńdi.
6-shy jarys kúniniń qorytyndysy boıynsha Qazaqstan quramasynyń qorjynynda 3 altyn, 4 kúmis jáne 19 qola júlde bar.