Qazgıdromet sınoptıkteri 29 tamyz-1 qyrkúıek aralyǵyna arnalǵan úsh kúndik aýa raıy boljamyn usyndy.
Aldaǵy úsh táýlikte respýblıkanyń basym bóliginde aýa raıynyń turaqsyz sıpaty saqtalady, dep habarlaıdy Almaty-akshamy.kz
Naızaǵaı jarqyldap, qatty jel turady, jańbyr, sondaı-aq burshaq ta jaýýy múmkin.
Qazaqstannyń soltústik-batysynda, soltústiginde, ortalyǵynda, ońtústiginde jáne ońtústik-shyǵysynda qatty jańbyr jaýyp, aýa temperatýrasy birtindep tómendeı beredi.
Aýa temperatýrasynyń eń qatty tómendeýi respýblıkanyń soltústik-batysynda, soltústiginde baıqalady.
Túngi ýaqytta aýa temperatýrasy 3-11 jylyǵa deıin, kúndiz 10-18 jylyǵa deıin tómendeıdi.
Tek elimizdiń shyǵysynda, ońtústiginde jáne ońtústik-shyǵysynda kezeńniń basynda jyly bolady.
Sodan keıin 1 qyrkúıekke qaraı temperatýra túnde 10-15 jylyǵa deıin, kúndiz 20-25 jylyǵa deıin tómendeıdi.