Kún ótkende kórsetiletin alǵashqy kómek qandaı? Bul týraly Almaty bólimshelik kóliktegi sanıtrarıalyq-epıdemıologıalyq baqylaý basqarmasynyń bas mamany aıtyp berdi, - dep habarlaıdy Aqshamnews.kz.
Kún tıý — adamnyń uzaq ýaqyt kúnniń astynda júrýinen bolatyn densaýlyqqa zıan jaǵdaı. Bul kezde kúnniń ystyǵy aǵzaǵa qatty áser etedi. Nátıjesinde adam ózin álsiz sezinedi, uıqysy kele beredi, basy aýyrady, júregi aınyp, basy aınalady. Dene qyzýy kóteriledi, júrek durys jumys istemeı, qan qysymy ne joǵarylap, ne tómendep ketýi múmkin. Aýyr jaǵdaılarda mıǵa qan quıylýy da múmkin. Bul kezde júıke júıesi (ıaǵnı adamnyń oılaý, qozǵalý, seziný qabileti) zaqymdalyp, óte qaýipti saldarǵa ákelýi múmkin.
Onyń qandaı qaýpi bar?
Kún tıý - kúnniń ystyǵynan aǵzadaǵy qan tamyrlary keńeıip, qan aınalymy men terleý prosesi buzylǵan kezde paıda bolatyn aýyr jaǵdaı. Bul kezde aǵzaǵa ottegi jetkiliksiz bolady.
Eń aldymen, júıke júıesi men júrek zardap shegedi. Adamnyń júregi toqtap qalýy, esinen tanýy (komaǵa túsýi), tipti qaıtys bolýy da múmkin. Sondyqtan kún soǵýyn der kezinde baıqap, adamǵa shuǵyl kómek kórsetý óte mańyzdy.
Kún tıýdiń negizgi sebepteri – kún sáýlesi, bas kıimsiz júrý, jamylǵysyz júrý, sondaı-aq jalańash denesin kúıdirý.
Kún ótkende alǵashqy kómek qalaı kórsetilýi kerek?
Belgileri bolǵan jaǵdaıda jedel járdem shaqyryńyz.
Jedel járdem kelgenge deıin sizge:
1. Naýqasty kóleńkeli jerge aparyp, jatqyzý kerek. Júregi aınyp, qusqysy kelse, onyń basyn bir jaqqa burý kerek. Adam óz qusyǵyna tunshyǵyp qalmaýy kerek.
2. Keýde qýysy men moıyndy qysatyn kıimderden bosatyńyz, beldikti sheshińiz
3. Sý berińiz.
5. Bet pen deneni shúberekpen salqyn sýmen sýlańyz, balanyń ústine temperatýrasy 22-24 ° S bolatyn sý quıýǵa bolady.
6. Jábirlenýshiniń aqyl-oıynan tanǵan kezde amıakty paıdalanyńyz.
Aldyn alý sharalary
Kún ystyq kezde dalada kóp júrseńiz, basyńyzdy mindetti túrde kúnnen qorǵańyz - ashyq tústi qalpaq, panama nemese jeńil sharf kıińiz. Sondaı-aq ashyq, jeńil matadan tigilgen kıim kıgen durys.
Tańǵy 10-nan keshki 16.00-ge deıin kún eń qatty shaǵylysatyn ýaqyt, sol kezde dalaǵa shyqpaǵan jón. Eger sol ýaqytta dalada bolýǵa nemese jumys isteýge týra kelse, kóleńkede jıi demalyp, deneni sýytyp otyrý qajet.
Sýdy kóp ishińiz, saǵat saıyn keminde bir staqan ishken durys.