Elímízde ūstazdardyń kásíbı sheberlígín tanu jáne qoldau maqsatynda dástúrlí «Úzdík pedagog» respublıkalyq baıqauy bastaldy. Jeńímpazdarǵa 1000 aılyq eseptík kórsetkísh kólemínde (shamamen 3,9 mıllıon teńge) memlekettík syıaqy beríledí, dep habarlaıdy aqshamnews.kz
Baıqauda mūǵalímníń bílím beru salasyna qosqan úlesí, qyzmetíníń tıímdílígí jáne kásíbı bílíktílígí baǵalanady. Mektepke deıíngí, orta, tehnıkalyq jáne kásíptík bílím beru ūıymdarynyń pedagogterí qatysa alady.
Baıqau úsh kezeńnen tūrady:
-
1-kezeń – audandyq/qalalyq deńgeı (8–25 shílde);
-
2-kezeń – oblystyq deńgeı (28 shílde – 15 tamyz);
-
3-kezeń – respublıkalyq deńgeı (18 tamyz – 18 qyrkúıek).
Alǵashqy ekí kezeńde eń joǵary ūpaı jınaǵan pedagogter fınalǵa – respublıkalyq kezeńge ótedí. Baıqauǵa qatysuǵa ótíním qabyldau, qūjattardy tapsyru jáne baǵalau uzdikustaz-nobd.edu.kz veb-portalynda júzege asyrylady.
«Úzdík pedagog» baıqauy 2012 jyldan berí ótkízílíp keledí. Osy uaqytqa deıín 700-ge juyq pedagog úzdík dep tanyldy. Baıqauǵa qatysu úshín úmítkerdíń kemínde 5 jyl úzdíksíz pedagogıkalyq ótílí boluy shart.
Qosymsha aqparatty QR Oqu-aǵartu mınıstrlígíníń resmı saıtynan aluǵa bolady.