Jedel shtabtyń jumysy uıymdastyryldy.
Almaty oblysy TJD kezekshi bólimine Qaraarsha aýylynyń Degeres aýyldyq okrýgi eldi mekeninde nóser jaýyn-shashynnyń saldarynan eńis aǵyn bolǵany týraly habarlama kelip túsken, dep habarlaıdy Almaty-akshamy.kz
Almaty oblysy TJD, sondaı-aq Jambyl aýdanynyń jergilikti atqarýshy organdarynan 30 adam jáne 2 tehnıka kúshteri men quraldary dereý oqıǵa ornyna jiberildi. Oqıǵa ornyna barǵannan keıin jaýyn-shashynnyń saldarynan jáne taýly ózenderdiń betkeılerinde 36 shaqyrym (Shıen aýyly) jáne 54 shaqyrym (Qaraarsha aýyly) «Uzynaǵash-Besmoınaq» oblystyq mańyzy bar avtomobıl jolynda aǵynynyń qalyptasýy saldarynan avtojol tósemin tasqyn sý shaıǵany anyqtaldy. Qoldanystaǵy jasandy qurylystar (qubyrlar) sý aǵynyna tótep bere almady. Nóserli káriz júıesi jáne jasandy qurylystar (qubyrlar) joq, osyǵan baılanysty sý aǵynyn aǵyzý jol tósemi arqyly júredi. Jol boıynda ártúrli fraksıalardyń laılary men tastarynan shógindiler paıda bolyp, saldarynan avtojoldyń osy ýchaskelerinde kólik qozǵalysy jabyldy.
Sondaı-aq, ortasha qysymdy gaz qubyrynyń ýchaskesi (shamamen 70-80 metr) búlinip, Shıen aýyldyq okrýgi Shıen aýylynyń ortalyq kóshesinde ornalasqan 140-qa jýyq aýla aýmaǵynda sý tasqyny boldy. Shıen aýylynyń halyq sany – 2 myń 704 adam, Qaraarsha aýylynyń halyq sany – 237 adam.
Jambyl aýdanynda Shıen aýyldyq okrýginiń Shıen aýylynda aýyldyq okrýgtiń jergilikti atqarýshy organynyń kúshteri men quraldary, Uzynaǵash aýylynyń 4-ÓSB órt sóndirýshileri, sondaı-aq 28237 áskerı bóliminiń áskerı qyzmetshileri 138 jeke turǵyn úı aýlalarynan, úılerdiń 10 jertóle úı-jaıynan sý soryp shyǵardy. Qalǵan sý qaldyqtary topyraqqa sińip ketti. Jaǵdaı turaqty.
Qazir Uzynaǵash aýylynda ornalasqan QR TJM 28237 áskerı bóliminiń jeke quramynan 30 adam, TJ bólimi men №4 órt sóndirý bóliminen 20 qyzmetker jáne tehnıka, sondaı-aq jergilikti atqarýshy organdarynan 20 qyzmetker jáne kómekshi tehnıka oqıǵa ornyna bardy. Oqıǵa ornynda aýdan ákimi, aýdandyq tótenshe jaǵdaılardyń aldyn alý jáne olardy joıý jónindegi komısıa tıisti jumystardy júrgizip jatyr.
«Uzynaǵash-Besmoınaq» oblystyq mańyzy bar avtomobıl jolynyń 54 km (Qaraarsha aýyly) jol qozǵalysy qalypqa qeltirildi. Jol tóseminde tastar men balshyqtan tazartý jumystary, aryq jelileri men Uzynaǵash-Besmoınaq tas jolynyń qubyrly ótkelin tazartý jumystary júrgizilip jatyr. Sonymen qatar sý basqan úılerdiń aýlalarynda sý aıdaý jumystary júrgizilip jatyr. Tazalaý jáne qalpyna keltirý jumystary kezinde avarıalyq qyzmet qyzmetkerleri 3 eldi mekendi (Suńqar, Qararsha, Besmoınaq) gazben jabdyqtaýdan ajyratty.Qazir «Táýekel gaz» JSHS paıdalanýshy uıymy avarıalyq ýchaskege gaz qubyry jelilerin qalpyna keltirý boıynsha avarıalyq top jiberdi.
Talǵar aýdanynda Talǵar ózeniniń boıynda jaýyn-shashynnyń kóp mólsherde túsýine baılanysty Sol Talǵar ózeninde sý deńgeıi kóterildi. Qazir Talǵar ózenindegi sý deńgeıi sekýndyna 37 tekshe metrdi quraıdy. Gıdrotehnıkalyq qurylystyń sý ótkizý qabileti sekýndyna 70.5 tekshe metrdi quraıdy. Monıtorıń júrgizý jáne jedel sharalar qabyldaý maqsatynda ólshemder júrgizilýde. Qosymsha baqylaý beketteri ornatyldy. Jedel shtabtyń jumysy uıymdastyryldy. Jaýyn-shashyn toqtady, jaǵdaı turaqty.