Ýaqytsha maýsymdyq jumysqa ornalastyrý jobasy júzege asady.
2023 jyldyń 27 mamyrynda, Almaty qalasy Jastar saıasaty basqarmasynyń Memlekettik áleýmettik tapsyrysy aıasynda jáne «Pro bono» qoǵamdyq qorynyń uıymdastyrýymen «JASYL EL» jastar jobasynyń jazǵy maýsymynyń saltanatty ashylýy ótti, dep habarlaıdy Almaty-akshamy.kz.
«JASYL EL» ýaqytsha maýsymdyq jumysqa ornalasý jobasynyń maqsaty - stýdentter men jumyssyz jastar arasyndaǵy jumyssyzdyqty azaıtý, sondaı-aq ekologıalyq jáne patrıottyq tárbıeni nasıhattaý jáne dostyq qarym-qatynasty nyǵaıtý boldy.
İs-shara barlyq qatysýshylarǵa umytylmas áser qaldyrǵan keremet konserttik baǵdarlamamen bastaldy. 800-den astam «JASYL EL» eńbek jasaǵy, estrada juldyzdary, sonyń ishinde Dake, Medet&Aqsultan, OCHOOOU, sondaı-aq qala jastary men tanymal blogerler ashylý saltanatyna qatysty.
Bıyl joba aıasynda maýsymdyq jumysqa 14 pen 35 jas aralyǵyndaǵy 2100 jas ýaqytsha jumysqa ornalastyryldy. Bul olarǵa tájirıbe men daǵdylardy ıgerýge, sondaı-aq qoǵamnyń damýyna úles qosýǵa múmkindik beredi. Senbilikke qatysýshylarǵa qorshaǵan ortany birlesip taza jáne jaqsy ustaý úshin qaptar men qolǵaptar berildi.
«JASYL EL» jumysqa ornalasýǵa múmkindik berip qana qoımaı, jastardy belsendi bolýǵa, qorshaǵan ortaǵa qamqorlyq jasaýǵa jáne qoǵamdyq ómirge qatysýǵa shabyttandyrdy.
Osy mańyzdy jobaǵa qatysqandardyń barlyǵyna, ásirese, óz mindetterin yntamen jáne jaýapkershilikpen oryndaǵan qatysýshylarǵa rahmet. Biz birge jastarymyz ben qalamyz úshin jaqsy bolashaq jasaımyz.
«Álemdegi jahandyq ekologıalyq jaǵdaı kúrdelene túsýde jáne qorshaǵan ortany qorǵaý máselesi ózekti bolyp jatyr. Sondyqtan jastardyń qorshaǵan ortaǵa qamqorlyqpen qaraýy kóńil qýantady», - dedi Almaty qalasy Jastar saıasaty basqarmasynyń jetekshisi Q. Meńdiǵalıev.
Megapolıs jastarynyń belsendiligi men eńbekqorlyǵy jóninde oı aıtyldy. Almaty qalasy Jastar saıasatyn damytý memlekettik qorynyń dırektory Janar Arnaeva málimdedi.
«Búgingi tańda qala boıynsha «JASYL EL» maýsymdyq jumysyna nıet bildirýshi jastar qatary artyp barady. Dáp qazirgi málimet boıynsha 2000 kóleminde jastar bar. Mundaı sharanyń maqsaty shahar tazalyǵyna beı-jaı qaramaýǵa shaqyrý. Almaty ásem qala. Sondyqtan bundaı megapolısti jandandyrý óz qolymyzda», - dedi ol.
İs-sharada óz erkimen qosylyp, belsendi jumys atqaraýǵa nıettiler kóp baıqaldy. Olar stýdenttik demalys kezinde qalanyń gúldenýi úshin belsendilik tanytady. Muny «JASYL EL» múshesi aıtty.
«Biz, jastar, óz jataqhanamyzda, oqý ornymyzda, qala berdi, qalaǵa senbilik jumystaryn jasap turamyz. Bul isimizdi tek aksıa retinde qaramaımyz. Qaıta qala ómiriniń turǵyndarǵa qolaıly bolýyna úles dep túsinemiz. Ózim ótken jyldan beri qatynasyp kelemin. Kishigirim úles qosqanyma rızamyn», - dedi Qazaq Ulttyq Agrarlyq ýnıversıtetiniń 3 kýrs stýdenti Asylbek Gúlnur.
