Elimizdiń árbir óńirinde jastardy maýsymdyq jumyspen qamtýǵa baǵyttalǵan «Jasyl el» jobasy óz jumysyn bastady.
Bıyl 33 myńnan astam jasty maýsymdyq jumyspen qamtý josparlanǵan, dep habarlaıdy Almaty-akshamy.kz El.kz aqparat agenttigine silteme jasap.
Joba aıasynda jastar óziniń turǵylyqty jerin kógaldandyrýǵa qatysyp, elimizdiń ekologıalyq jaǵdaıyn jaqsartýǵa óz úlesin qosady. Sonymen qatar, maýsymdyq jumyspen qamtý jáne sý tasqyny bolǵan aımaqtarǵa kómek kórsetý maqsatynda «Aýyl» partıasy janyndaǵy «Aýyl jastary» jastar qanaty qurylys jasaqtaryn iske qosty.
Qazirgi ýaqytta, Soltústik Qazaqstan oblysynda 40-qa jýyq jas tabıǵı apattan zardap shekkenderge turǵyn úı salýǵa qolǵabys etýde.
Jastardy maýsymdyq jumyspen qamtý jumystary boıynsha suraqtar týyndaǵan jaǵdaıda Óńirlik jastar resýrstyq ortalyqtaryna júginýge bolady.
Aıta keteıik, «Jasyl el» jastar eńbek jasaǵynyń qyzmeti jergilikti búdjet esebinen júzege asyrylady.