Bul qyzmetti Janat Samat atqarady.
Qazaqstandaǵy qaldyqtardy jınaý boıynsha jańa operator retinde anyqtalǵan «Jasyl Damý» AQ-na jańa basshy keldi, dep habarlaıdy Almaty-akshamy.kz.
«Qazaqstan Respýblıkasynyń Ekologıa, geologıa jáne tabıǵı resýrstar mınıstri S.Brekeshevtiń buıryǵymen «Jasyl damý» AQ basqarma tóraǵasy bolyp Janat Samat taǵaıyndaldy», - delingen mınıstrliktiń baspasóz qyzmetiniń habarlamasynda.
Janat Samat 1980 jyly Aqtaý qalasynda dúnıege kelgen. 2001 jyly Esenov atyndaǵy Aqtaý ýnıversıtetin bitirgen.
Eńbek jolyn 2001 jyly Mańǵystaý oblysy boıynsha Salyq komıtetiniń İri salyq tóleýshilerdi taldaý jáne monıtorıńileý bóliminiń bas salyq ınspektory bolyp bastady. Ár jyldary oblystyń salyq komıtetinde Kelispeýshilikter jáne keńes berý bóliminiń, Jeke tulǵalardy tekserý bóliminiń, Jer qoınaýyn paıdalanýshylardy tekserý bóliminiń bas salyq ınspektory qyzmetterin atqardy.
2008 jyly Mańǵystaý oblysynyń kásipkerlik jáne ónerkásip basqarmasy basshysynyń orynbasary, keıin «Kaspıı» ÁKK» UK» AQ basqarma tóraǵasynyń orynbasary laýazymyna taǵaıyndaldy.
2014-2016 jyldar aralyǵynda Qyzylorda qalasyndaǵy «Baıqońyr» (Baıqońyr)» áleýmettik-kásipkerlik korporasıasy» UK» AQ basqarma tóraǵasy qyzmetin atqarǵan.
2019 jyldan bastap Qazaqstan Respýblıkasy Ekologıa, geologıa jáne tabıǵı resýrstar mınıstriniń keńesshisi.
2020 jyldan bastap Qazaqstan Respýblıkasy Ekologıa, geologıa jáne tabıǵı resýrstar mınıstrligi janyndaǵy «Qorshaǵan ortany qorǵaý aqparattyq-taldaý ortalyǵy» SHJQ RMK bas dırektory bolyp jumys istedi.
Turmys qurǵan, úsh balasy bar.
Ekonomıka ǵylymdarynyń kandıdaty.