Qaryzdyń eń joǵary somasy – 5 mln teńge.
Nesıeleý merzimi mal sharýashylyǵyn qospaǵanda, kez kelgen maqsat úshin – 5 jylǵa deıin, dep habarlaıdy Almaty-akshamy.kz
QR Eńbek jáne halyqty áleýmettik qorǵaý vıse-mınıstri Oljas Ordabaev jýrnalısermen "galstýksiz" kezdesý barysynda jastarǵa mıkronesıe berýdi uıymdastyrý boıynsha daıyndyq jumystarynyń barysy týraly aıtty.
Bekitilgen qaǵıdalarǵa sáıkes kásipkerlik qyzmetti bastaǵysy keletin nemese kásipkerlikpen aınalysatyn, derbes kásipker retinde tirkelý merzimi 5 jyldan az bolatyn 21 jastan 35 jasqa deıingi jastar mıkrokredıt alýǵa úmitker bola alady.
"Mıkrokredıtter berýdi "Agrarlyq kredıttik korporasıa" AQ arqyly júzege asyrý josparlanyp otyr. Nomınaldy syıaqy mólsherlemesi – jyldyq 2,5%-dan aspaıdy. Qaryzdyń eń joǵary somasy – kepilmen qamtamasyz etýdiń mindetti shartymen 5 mln teńgege deıin. Nesıeleý merzimi mal sharýashylyǵyn qospaǵanda, kez kelgen maqsat úshin – 5 jylǵa deıin. Al bul qyzmet baǵyty úshin – 7 jylǵa deıin. Sondaı-aq negizgi borysh pen syıaqyny óteý boıynsha jeńildik kezeńi kózdelgen, ol mıkrokredıtteý merzimi uzaqtyǵynyń úshten birinen aspaıdy. 2023 jylǵa arnalǵan respýblıkalyq búdjette jastarǵa mıkrokredıt berý tetigin iske asyrý úshin 29 mlrd teńgeden astam qarajat kózdelgen", - delingen mınıstrlik taratqan aqparatta.
Bul 5,8 myńnan astam jas azamatqa nesıe berýge múmkindik beredi.