Zhas Project jobasy aıasynda el jastaryna 1 mıllıon teńge kóleminde shaǵyn granttar beriledi. Jobaǵa qatysý úshin ótinim berý bastaldy.
Zhas Project jobasyna NEET sanatyndaǵy, ıaǵnı, 18-34 jas aralyǵyndaǵy jumyssyz jastar qatysa alady, dep habarlaıdy Almaty-akshamy.kz.
Ótinishter 24 sáýir saǵat 23:59-ǵa deıin qabyldanady. Ár óńir boıynsha jobany basqaratyn jáne ótinish qabyldaıtyn ÚEU-men baılanys málimetteri cisc.kz saıtynda, Zhas Project bólimshesinde kórsetilgen. 25 sáýir men 14 mamyr aralyǵynda ótinimder iriktelip, 15 mamyrda konkýrs nátıjesi jarıalanady.
Jastardy qoldaýdy maqsat etken joba eldiń 20 óńirin qamtıdy.
Grantty ıelengennen keıingi basty talap - jobany 4 aıda júzege asyrý. Tájirıbesi tolyspaǵan jastardyń qanatqaqty jobalary jemisti bolý úshin ár óńirde qoldaý ortalyǵy jumys isteıdi. Ortalyqqa júgingen jas kásipker kókeıindegi áleýmettik, ekonomıkalyq, quqyqtyq saýaldaryna kásibı mamandardan jaýap, keńes ala alady.
Bıyl 280 jobany qoldaý josparlanyp otyr.