Jastardy eńbekqorlyqqa baýlyǵan jón

Respýblıkalyq qoǵamdyq shtab músheleri Pavlodar oblysynyń saılaýshylarymen kezdesti
Búgin Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń músheleri Pavlodar oblysynyń jurtshylyǵymen, kásiporyndardyń eńbek ujymdarymen jáne jastarymen birqatar kezdesý ótkizdi.
Úgit-nasıhat naýqany bastalǵannan beri el óńirlerinde saılaýshylarmen 13 myńnan astam kezdesý ótti. Olardyń basty maqsaty – kandıdat Qasym-Jomart Toqaevtyń saılaýaldy bastamalaryn turǵyndarǵa jetkizý.
Ekibastuz qalasynda RQSH músheleri jumysshylardyń quqyqtaryn qorǵaý jáne óndiristegi qaýipsizdikti arttyrýǵa qatysty basymdyqtary týraly aıtyp berdi.
«Azamattardyń adal ónimdi eńbegi qurmettelýi, qorǵalýy jáne oǵan laıyqty eńbekaqy tólenýi tıis. Qyzmetkerlerdiń mansaptyq bolashaǵy men tabysy olardyń kásibıligine, jaýapkershiligi men ábjildigine baılanysty bolýy kerek. Jastardy eńbekqorlyqqa baýlyǵan jón»,- dedi Respýblıkalyq qoǵamdyq shtab delegasıasynyń basshysy Asqat Oralov.
Pavlodarda Qasym-Jomart Toqaevtyń jaqtastary tramvaı basqarmasy men elektrolız zaýytynyń ujymdarymen kezdesý ótkizdi. 
Budan soń Dostyq úıinde shtab músheleri óńir jurtshylyǵymen saılaýaldy baǵdarlamanyń negizgi baǵyttaryn talqylady. «Toraıǵyrov ýnıversıtetinde» ǵylymı qoǵamdastyq ókilderi saılaýaldy baǵdarlamada kórsetilgen áleýmettik qoldaý sharalaryn qarastyrdy.
Jastar belsendilerimen kezdesýde RQSH músheleri – jastar saıasatyndaǵy, al kásipkerlerimen júzdesýde ekonomıka salasyndaǵy saılaýaldy bastamalarǵa toqtaldy. 
Jalpy, Búgin Respýblıkalyq qoǵamdyq shtab músheleri Pavlodar oblysynyń Aqsý, Ekibastuz qalalarynda, sondaı-aq Baıanaýyl, Jelezın, Ýspen jáne t.b. aýdandarynda saılaýshylarmen 20-dan astam kezdesý ótkizdi.