Balalar men jasóspirimder arasyndaǵy quqyq buzýshylyqtyń aldyn alý, kámeletke tolmaǵandar arasyndaǵy qylmystyń ósýine jol bermeý qazirgi tańda kókeıtesti máselelerdiń birine aınalyp otyr, dep habarlaıdy almaty-akshamy.kz Polisia.kz. silteme jasap,
Kámeletke tolmaǵandarmen jáne olarǵa qarsy jasalatyn qylmystardyń aldyn alý baǵytynda qyzylordalyq polıseılermen tıisti jumystar atqaryldy. Oblys kóleminde kámeletke tolmaǵandarmen jáne olarǵa qarsy jasalatyn qylmystardyń aldyn-alý maqsatynda “Jasóspirim”, “Túngi qaladaǵy balalar”, “Bala-Zań-Qaýipsizdik” atty jedel profılaktıkalyq is-sharalary, “Men jáne meniń polıseıim”, “Abaılańyz balalar” atty aksıalar ótkizildi.
Nátıjesinde 6251 quqyq buzýshy ishki ister organdaryna jetkizilse, onyń ishinde 231-i kámeletke tolmaǵandardy beıimdeý ortalyǵyna jatqyzyldy, 53 jasóspirim qylmys jasaǵandary úshin ustaldy. Sondaı-aq túngi ýaqytta zańdy ókilinsiz turǵyn-jaıdan tys jerde júrgen 4700 kámeletke tolmaǵandardyń zańdy ókilderi ákimshilik jaýapkershilikke tartyldy. Reıd barysynda kámeletke tolmaǵandardyń túngi ýaqytta oıyn-saýyq mekemelerinde bolýyna jol bergen 112 kásipker, kámelettik jasqa tolmaǵandarǵa jáne kámeletke tolmaǵandardyń temeki buıymdaryn satý deregi boıynsha 6 tulǵaǵa, jasóspirimge alkogól ónimin satqany úshin 9 satýshy ákimshilik jaýapkershilikke tartyldy.
Balalardyń tárbıesimen aınalyspaı, ata-analyq mindetterin oryndamaǵan 8 ata-ana sot quzyrymen ata-analyq quqyǵynan aıyrylsa, 6 ata-ananyń ata-analyq quqyǵy shekteldi. 5 kámeletke tolmaǵan oblystyq devıantty minez-qulyqty balalarǵa arnalǵan mektep-ınternatyna jáne 2 jasóspirim “Abaı oblysynyń erekshe rejımde ustaıtyn arnaıy mektep-ınternatyna” ornalastyryldy.