Jetisý óńirinde jasóspirimdi zorlady degen kúdikti taýda ustaldy
Búgin taýly aımaqta shekarashylar kámeletke tolmaǵan oqýshy qyzǵa qatysty seksýaldyq sıpattaǵy áreketterdi jasady degen kúdikpen oblys turǵynyn ustady, dep habarlaıdy almaty-akshamy.kz.
Aıta keterligi, Jetisý oblysynda muǵalim oqýshyny zorlady degen kúdikke ilingen bolatyn. Sóıtip, oǵan 7 qarashadan bastap izdeý jarıalanǵan bolatyn.
Sarqand aýdanyna qarasty mektepteriniń birinde 14 jastaǵy oqýshyny zorlady degen kúdikpen Sarqand qalasynyń 35 jastaǵy turǵynyna izdeý jarıalanǵan bolatyn. Kúdikti 10 jyl boıy matematıka pániniń muǵalimi bolyp jumys istegen. Qylmysker oqýshynyń jezdesi ekeni belgili boldy. Qylmys qaladaǵy qonaq úılerdiń birinde oryn alǵan. Qonaq úı ákimshisi bólmelerdiń birinen kómek surap shaqyrǵan daýysty estip júgirip kelip, qyzdy bosatyp alady. Artynsha bolǵan jaıdy baıandap polısıaǵa habarlasqan. Alaıda qylmysker oqıǵa ornynan qashyp ketken. Qylmyskerdiń kóligin kóp uzamaı Sarqand qalasynyń mańyndaǵy taý eteginen tapqan.
Ustalǵan kúdikti polısıaǵa tapsyrylyp, ýaqytsha ustaý ızolátoryna qamaldy.