Ulttyq quryltaıdyń IV otyrysynda Memleket basshysy Qasym-Jomart Toqaev IýNESKO-men yntymaqtastyqty nyǵaıtýdyń negizgi baǵyttaryn atady, dep habarlaıdy aqshamnews.kz.
- Biz IýNESKO-men yntymaqtastyq aıasynda Qazaqstannyń materıaldyq jáne materıaldyq emes muralaryn halyqaralyq tizimderge engizýge aıryqsha mán berip jatyrmyz. Buǵan qosa, túrli ulttyń barsha adamzatqa ortaq bilim qazynasyna qosqan zıatkerlik úlesin kórsetetin «Álem jady» tizimine derekti muralarymyzdy engizý jumysyn jandandyrý qajet.
Jańa zamanda bizdiń aldymyzda jańa mindetter tur. Kóptegen el óziniń salt-dástúri men qazirgi ınovasıalardy ózara úılestirý arqyly damýdyń dańǵyl jolyna túskenin tarıhtan kórip-bilip otyrmyz. Sol sekildi biz de tól mádenıetimizdi qazirgi álemdegi shynaıy jaǵdaıǵa beıimdeýimiz qajet, - dedi Memleket basshysy.
Prezıdent jasandy zeıinniń ıdeologıaǵa tıgizip jatqan áseri týraly paıymyn aıtty.
- Búgingi tańda mádenıet jáne ıdeologıa salasy jasandy ıntellektiniń yqpalymen túbegeıli ózgere bastady. Biraq oǵan tolyq úmit artýǵa bolmaıdy. Adam faktory áli de mańyzdylyǵyn joǵaltqan joq, - dedi Qasym-Jomart Toqaev.