Qazirgi tańda elimizde birneshe iri ınfraqurylymdyq jobalar iske asyrylýda. Bul týraly Prezıdent Ulttyq quryltaıda sóılegen sózinde málimdedi. 2025-2026 jyldary Qashaǵan kenishinde gaz óńdeý zaýyty iske qosylyp, «Taldyqorǵan – Úsharal» jáne «Beıneý–Bozoı-SHymkent» gaz qubyrlarynyń ekinshi jelisi paıdalanýǵa beriledi.
Sonymen qatar, Úkimet Qyzylorda jáne Túrkistan oblystarynda bý-gaz qurylǵysyna negizdelgen jańa elektr stansasyn salýdy josparlap otyr. Almatydaǵy JEO-2 jáne JEO-3 jańǵyrtylatyn bolady.
Prezıdenttiń aıtýynsha, «Kendirli» demalys aımaǵynda sý tushshytatyn zaýyt iske qosylady. Bul zaýyt Jańaózen qalasyn aýyz sýmen turaqty qamtamasyz etetin bolady. Qaraǵandy jáne Ekibastuz qalalarynda bolat qorytatyn zaýyttar men Jambyl oblysynda mıneraldy tyńaıtqysh óndiretin hımıa kesheni paıdalanýǵa beriledi.
Almaty men Qostanaı oblystarynda jańa avtokólik zaýyttary ashylyp, el ekonomıkasyna serpin beredi. Sondaı-aq, «Dostyq-Moıynty» temir jol ýchaskesiniń jáne Almaty beketin aınalyp ótetin temir jol jelisiniń qurylysy aıaqtalady.
Aqtaýda Kaspıı teńiziniń jaǵalaýynda konteıner haby salynyp, «Qorǵas – Shyǵys qaqpa» EEA aýmaǵynda halyqaralyq áýejaı jumys isteı bastaıdy. Zaısan, Katonqaraǵaı men Kendirli demalys aımaqtarynda da jańa áýejaılar ashylady.
Prezıdent óz sózinde Kaspıı teńiziniń ultanymen talshyqty-optıkalyq baılanys jelisin tartý josparlanyp otyrǵanyn atap ótti. Bul joba Eýropa men Azıa arasyndaǵy sıfrlyq dálizdi qalyptastyrýǵa múmkindik beredi. Sonymen qatar, elimizdiń avtokólik joldary jelisin damytý jumystarynyń mańyzy erekshe ekendigi de aıtyldy.