Búgin Májilis ekinshi oqylymda «Jasandy ıntellekt týraly» Zań jobasyn jáne oǵan ilespe zań jobalaryn qabyldady.
Qujat Memleket basshysynyń tapsyrmasy aıasynda ázirlengen. Qujat jasandy ıntellekt salasynda quqyqtyq jáne uıymdastyrýshylyq retteýdi, ashyqtyq pen qaýipsizdikti qamtamasyz etýdi kózdeıdi, - dep habarlaıdy Aqshamnews.kz.
«Memleket basshysy taıaýdaǵy Joldaýynda aldymyzǵa úsh jyl ishinde Qazaqstandy jappaı sıfrlyq elge aınaldyrý jóninde aýqymdy mindet qoıdy. Bul progresıvti ıdeıany Prezıdentimiz búgin álemniń eń basty minberi – Birikken Ulttar Uıymynyń tórinen de jarıalady», - dedi Májilis Tóraǵasy Erlan Qoshanov.
Búgin qabyldanyp otyrǵan Jasandy ıntellekt týraly zań – osy bastamany iske asyrý jolyndaǵy irgeli qadam bolǵan.
«Ol elimizdiń sıfrlyq damýyn jańa deńgeıge shyǵarýǵa jol ashatyny anyq. Qazaqstan álemde mundaı zań qabyldaǵan alǵashqy elderdiń qatarynda. Zańdy qabyldaý barysynda sıfrlandyrý salasyndaǵy ozyq álemdik tájirıbeler men táýekelderdiń bári eskerildi. Ádilettilik, zańdylyq, ashyqtyq, adam quqyqtary men jeke málimetterdi qorǵaý basty prınsıp retinde qarastyryp otyr», - dedi Erlan Qoshanov.