2025 jylǵy 9 qyrkúıekte Memleket basshysy Qasym-Jomart Toqaev Qazaqstan halqyna Joldaýynda jasandy ıntellektini elimizdiń strategıalyq damýynyń basty quraly dep atady.
«Bıylǵy Joldaýdyń biriktirýshi ıdeıasy – sıfrlandyrýdy keń kólemde damytý jáne jasandy ıntellektini jappaı engizý», – dedi Prezıdent.
Prezıdent Qazaqstandy úsh jyl ishinde «jappaı sıfrlyq elge» aınaldyrý mindetin qoıdy. Ol úshin arnaıy Jasandy ıntellekt jáne sıfrlyq damý mınıstrligin qurý, zańnamany jetildirý jáne mektepterde JI negizderin engizý kózdelýde.
Jasandy ıntellekt tek memlekettik basqarýda emes, ekonomıkanyń barlyq salasynda qoldanys tabady. Ol:
- memlekettik qyzmetterdiń ashyqtyǵyn arttyrady;
- densaýlyq saqtaý salasynda aýrýlardy erte anyqtaýǵa múmkindik beredi;
- bilim berýde jańa býyn mamandaryn daıarlaýǵa yqpal etedi;
- óndiriste, energetıkada, logıstıka men aýyl sharýashylyǵynda tıimdilikti arttyrady.
Jasandy ıntellekt – adamzat damýynyń jańa kezeńin aıqyndaıtyn tehnologıa. Álemdik tájirıbe kórsetkendeı, JI eldiń básekege qabilettiligin arttyrýdyń negizgi faktoryna aınalyp otyr. Qazaqstan osy baǵytta naqty qadamdar jasap, jastardy tehnologıalyq saýattylyqqa úıretýdi qolǵa alýda.
Prezıdenttiń bastamasy – Qazaqstandy ınovasıalyq damý jolyna bastaıtyn sheshýshi strategıalyq baǵdar. Jasandy ıntellekti durys paıdalaný eldiń ekonomıkasyn jańa deńgeıge kóterip qana qoımaı, qoǵamnyń sapaly jańarýyna da jol ashady.