Almatyda ótken «Túrki áleminiń medıa keńistigi: jańa dáýirdegi mindetter men múmkindikter» taqyrybyna VI Halyqaralyq túrkitildes jýrnalıser medıa forýmynda qazaqstandyq AI-kreator Qanat Esirkepov kontent óndirý prosesinde jasandy ıntellektini paıdalaný tájirıbesin bólisti.
Onyń aıtýynsha, qazirgi redaksıalardaǵy jumystardyń 30–40 paıyzy AI kómegimen ońaı avtomattandyrylyp, jýrnalıserdiń ýaqytyn aıtarlyqtaı únemdeýge múmkindik beredi.
Esirkepovtyń sózinshe, jasandy ıntellekt quraldary jańalyqtardy málimetter negizinde lezde generasıalaýda tıimdi.
«Qarjylyq esepter, sport nátıjeleri, aýa-raıyna qatysty aqparat sıaqty derekterdi AI dál ári jyldam daıyndaı alady», – deıdi sarapshy.
Spıker kontent óndirisin arttyrýda AI-avatarlar da keń qoldanyla bastalǵanyn atap ótti. Onyń aıtýynsha, mundaı tehnologıalar avtordyń daýysyn, stılin nemese beınesin kóshirip, úlken kólemdegi materıaldy tez ári turaqty shyǵarýǵa múmkindik beredi.
Sonymen birge, avtomattandyrylǵan «kontent zavodtaryn» qurýǵa arnalǵan N8N, Make, Opal sekildi júıeler medıa salasynda jıi qoldanylyp keledi. Alaıda maman bul saladaǵy basty qaýipke de nazar aýdardy.
«Eń mańyzdy másele – dıpfeıkter men jalǵan aqparattyń kóbeıýi. Bul medıaǵa degen senimge tikeleı qaýip tóndiredi», – deıdi Qanat Esirkepov.
Spıkerdiń pikirinshe, jasandy ıntellekt túrkitildes medıa keńistigin biriktirýge de múmkindik beredi. Ol AI-dy durys ıgerý básekege qabilettilikti arttyratynyn atap ótti:
«AI mamandardy almastyrmaıdy, biraq AI-dy qoldanbaıtyn mamandardy almastyrýy múmkin», – dedi ol.
Aıta keteıik, medıa forýmǵa Qazaqstan, Ortalyq Azıa, Túrkıa, Eýropa elderinen BAQ basshylary, jýrnalıser, depýtattar, medıa salasyndaǵy ÚEU basshylary, Qoǵam qaıratkerleri, PR menedjerler, baspasóz hatshylary, jýrnalısıka fakúltetiniń muǵalimderi men stýdentteri t.b. qatysty.