Almatyda el Prezıdentíníń bastamasymen «Keleshek mektepterí» ūlttyq jobasy ayasynda boı kóteríp jatqan mektep aumaǵyna 500-den astam írí kólemdí aǵash egíldí. Kógaldandyru jūmystary Túrksíb audanyndaǵy Qaırat shaǵynaudany aumaǵynda salynyp jatqan mekteptíń janynda júrgízíldí. Igí ístí «Azimut» JShS kompanıyasy qarjylandyryp, «Taza Qazaqstan» respublıkalyq baǵdarlamasyna qoldau kórsettí.
Jobalyq sheshímge sáıkes, qūrylysshy kompanıya bar bolǵany 50 tal eguge tıís edí. Alaıda kompanıya bastamany keńeıtíp, kólemdí arttyru turaly ūsynys jasap, qalanyń kógal qoryn kóbeıtuge úles qosty.
Sánaǵash, ūlpasyz terek, arsha, moıyl, shaǵan, qaraǵaı jáne sándík būtalar syndy egílgen jasyl jelekter qala jaǵdaıyna beıímdelgen. Tańdalǵan kóshetter bolashaq mektep aumaǵyn kórkeıtíp qana qoımaı, oqushylar men mańaıdaǵy tūrǵyndar úshín qolaıly ekologıyalyq orta qalyptastyrady.
Aıta keteıík, Prezıdent bastamasymen júzege asyrylyp jatqan «Keleshek mektepterí» ūlttyq jobasy ayasynda qalada 23 100 oqu ornyna arnalǵan 13 jańa jaıly mektep salyndy. Bıyl taǵy 11 700 oqushyǵa arnalǵan 8 mekteptí paıdalanuǵa beríledí. Olar úshínshí toqsanda ashylady dep josparlanyp otyr.