Qazaqstan eńbek naryǵy jańa kezeńge qadam basty. Jasandy ıntellekt (JI) tehnologıalary jumys oryndaryn tolyq joımaı, olardyń mazmuny men talaptaryn túbegeıli ózgertýde, dep habarlaıdy Aqshamnews.kz.
Eńbek resýrstaryn damytý ortalyǵynyń dırektory Ernat Júnisovtiń aıtýynsha, buryn qolmen jasalatyn jumys avtomattandyrylyp jatyr. Osyǵan baılanysty kásibı standarttarǵa jańa quzyretter engizilýde. Qazir suranysy joǵary 8 myń mamandyqtyń 60%-y jańartylǵan kásibı standartpen qamtylyp, olardyń negizinde 11 myńnan astam bilim berý baǵdarlamasy ózektendirilgen.
Sarapshy qysqa merzimdi qaıta daıarlaý men sertıfıkattaý júıesin damytý qajet ekenin atap ótti. Bul mamandarǵa JI quraldaryn tereń oqymaı-aq tıimdi qoldanýǵa múmkindik beredi. Álemdik tájirıbe boıynsha, aldaǵy ýaqytta jumys istep júrgen qyzmetkerlerdiń 50%-y qaıta daıarlaýdan ótýge májbúr bolady.
HR keńesshi Álıa Myrzabekovanyń aıtýynsha, kásibı standarttardy der kezinde jańartý — eńbek naryǵynyń basty sharty. Jańa daǵdylardy meńgermegender básekege qabiletsiz bolyp qalýy múmkin. Bolashaq ıkemdilikke, úzdiksiz oqýǵa jáne tehnologıalyq saýattylyqqa tikeleı baılanysty.