Ótken jyly Balalar jyly aıasynda Qazaqstan Respýblıkasy Prezıdentiniń Arhıvi «Meniń otbasymnyń tarıhy arhıv qujattarynda» mekteptik oqý-zertteý jumystarynyń baıqaýyn ótkizýge bastamashy bolǵan edi. Baıqaýdy qorytyndylaý «Ashyq qoǵamǵa – ashyq Arhıv» atty İ Halyqaralyq arhıvshiler Kongresi aıasynda uıymdastyryldy (2022 j. 19–21 qazan).
Bıyl da dástúrdi jalǵastyra otyryp, Arhıv Almaty qalasy bilim basqarmasymen birlesip, qaladaǵy jalpy bilim beretin mektepterdiń oqýshylary arasynda «Meniń otbasymnyń tarıhy arhıv qujattarynda» atty İİ baıqaýyn jarıalady. İs-sharanyń maqsaty – jalpy bilim beretin oqý oryndary oqýshylarynyń ıntellektýaldyq jáne tulǵalyq damýy, olardyń tarıhty oqytý salasyndaǵy ǵylymı-zertteý jumystarynyń ádisteri men tásilderin meńgerýi, jastardy Qazaqstannyń tarıhı-mádenı murasyn, ulttyq tarıhqa qatysty derekti derekkózderdi, týǵan jer, otbasy týraly derekti derekkózderdi zertteý men saqtaýǵa tartý bolyp tabylady.
27 naýryzda Qazaqstan Respýblıkasy Prezıdentiniń Arhıvinde zertteýshi R.R. Shaıahmetovpen kezdesý uıymdastyrylyp, oǵan Almaty qalasynyń jalpy bilim beretin mektepteriniń muǵalimderi men oqýshylary shaqyryldy. Rınat Ravıluly Shaıahmetov – Qazaqstan Komýnıstik partıasy Ortalyq Komıtetiniń birinshi hatshysy qyzmetin atqarǵan (1946–1954) Jumabaı Shaıahmetovtiń nemeresi. Ol sonymen qatar 2022 jyly Qazaqstan Respýblıkasy Prezıdentiniń Arhıvi tarapynan daıyndalyp, jarıalanǵan «Jýmabaı Shaıahmetov. Dokýmenty ı materıaly» qujattyq jınaǵynyń qurastyrýshylarynyń biri. Rınat Ravıluly ǵylymı-zertteý jumysynda otbasylyq arhıvtiń alatyn orny erekshe ekenin aıta kele, óziniń otandyq jáne sheteldik arhıvterdegi kóp jyldyq tájirıbesi, zertteý jumysynyń ádis-tásilderi týraly aıtyp ótti.
Jas zertteýshiler qujattarmen jumys barysynda týyndaıtyn máseleler boıynsha suraqtar qoıyp, olardy talqylady, sonymen qatar baıqaýǵa qatysýdan alǵan áserlerimen bólisti.
«Meniń otbasymnyń tarıhy arhıv qujattarynda» baıqaýy oqýshylardyń ǵylymı jobalardy daıyndaýda tájirıbesi men quzyrettiligin arttyrýǵa múmkindik beredi jáne mundaı kezdesýler olardyń oı-órisin keńeıtip, jańa izdenister men ıdeıalarǵa shabyttandyrady.
Botagóz Beısenbekqyzy,
QR Prezıdent Arhıviniń Oqý-ádistemelik
ortalyǵynyń sarapshysy