Din salasyndaǵy máselelerdi zertteý ortalyǵy terorızm men ekstremızmge qarsy is-qımyl boıynsha aqparattandyrý maqsatynda sportshylarǵa arnalǵan profılaktıkalyq is-shara uıymdastyrdy.
Almatyda ótken kezdesýde negizgi nazar quqyqtyq saýattylyqty arttyrý men synı oılaýdy damytýǵa aýdaryldy. Bul – jastardy radıkaldy ıdeologıalardan qorǵaýdyń mańyzdy tetikteri, dep habarlaıdy aqshamnews.kz.
İs-sharaǵa Almaty qalasynyń TQO bóliminiń qyzmetkerleri, prokýratýra qyzmetkeri, din ister basqarmasynyń qyzmetkerleri, sport basqarmasynyń qyzmetkerleri men sportshylar jáne jattyqtyrýshylary qatysty.
Jıynda atalǵan qyzmetkerler «Radıkaldy ıdeologıalardyń belgileri týraly jan-jaqty túsindirip, ekstremıstik uıymdardyń jastar sanasyna áser etý úshin qoldanatyn manıpýlásıalyq ádisterin atap ótti jáne olardy der kezinde taný joldarymen bólisti.
Sonymen qatar, kúmándi tulǵalardan nemese rettelmegen onlaın kózderden bilim alý qaýipteri de talqylandy. Bul – ásirese áleýmettik jeliler men ınternet-platformalar arqyly jıi taralatyn qazirgi zamannyń ózekti máselesi aıtyldy.
İs-shara qorytyndysynda qatysýshylar mundaı bastamalardyń mańyzdylyǵyn atap ótti. Alynǵan aqparat jastardyń radıkaldy ıdeologıaǵa qarsy ımýnıtetin qalyptastyrýǵa jáne jeke ári qoǵamdyq qaýipsizdikti arttyrýǵa yqpal etetinine senim bildirdi.