Almatyda jas bosanǵan analar da saıası naýqannan qalys qalmaı, daýys berdi.
№4 qalalyq perzenthanada №475 saılaý ýchaskesi uıymdastyrylyp, ondaǵy 101 áıel túgeldeı saılaýǵa qatysty, dep habarlaıdy Almaty-akshamy.kz
Almaty №4 perzenthanyń bas dárigeri Zıada Beketqyzynyń aıtýynsha, búgingi ótip jatqan Májilis pen máslıhat depýttatarynyń saılaýyna perzenthanada barlyq jaǵdaı jasalǵan.
Ǵazıza Qydyraly, jas ana:
– Men Túrksib aýdanynyń turǵynymyn. Bul saılaý men úshin erekshe bolyp otyr. Qyzym dúnıege kelip, otbasymyzda úlken qýanysh. Búgin men Qazaqstannyń azamaty retinde óz tańdaýymdy jasadym. Balalarymyzdyń bolashaǵy úshin, Jańa Qazaqstannyń órkendeýi úshin daýys berdim. Ashyq demokratıalyq qoǵam quramyz dep senemin. Ár azamat saılaýdyń ótýine sebepker dep oılaımyn.