Astanada 7-8 synyp oqýshylary arasynda jaratylystaný-matematıkalyq pánder boıynsha respýblıkalyq olımpıada aıaqtaldy.
Oǵan elimizdiń barlyq aımaqtarynan 314 oqýshy qatysty, dep habarlaıdy Almaty-akshamy.kz Oqý-aǵartý mınıstrligine silteme jasap.
Barlyǵy 138 marapat sarapqa salyndy: birinshi oryn - 28, ekinshi oryn – 45 jáne úshinshi oryn – 65.
«Sizder kúrdeli tapsyrmalardy sheshýde naǵyz sheberlik pen bilimderińizdi kórsettińizder. Búgingi jeńisterińiz bilim jolynda jańalyqtar ashatyn uzaq ta qyzyq joldyń bastamasy bolsyn. Ǵylym men bilim áleminde aldaǵy ýaqytta da tabystar, jańa bıikter men umytylmas sátter tileımin», - dedi marapattaý rásiminde «Daryn» respýblıkalyq ǵylymı-praktıkalyq ortalyǵynyń dırektory Ǵajdembek Tursynov.
Olımpıada qorytyndysy boıynsha úzdik olımpıadalyq komandalar marapattaldy:
III oryn – «RFMM» KeAQ, Shyǵys Qazaqstan jáne Mańǵystaý oblystary;
II oryn – Almaty qalasy men Pavlodar oblysy;
I oryn – Astana qalasy, Aqtóbe men Túrkistan oblystary.
Bas júldeni Nazarbaev Zıatkerlik mektepteri komandasy jeńip aldy.
Aıta ketsek, 7-8 synyp olımpıadanyń bastapqy kezeńine 95 282, oblystyq kezeńge 9 599 oqýshy qatysty. Bul kórsetkishter jarystyń joǵary deńgeıin jáne olımpıadanyń mańyzdylyǵyn kórsetedi.