Japonıanyń ortalyq bóliginde birneshe kúshti jer silkinisi tirkeldi. Eldiń ulttyq meteorologıalyq basqarmasynyń málimetinshe, Isıkava jáne Nııgata prefektýralary aımaǵynda magnıtýdasy 7,4-ke jetetin jer silkinisi boldy, dep habarlaıdy almaty-akshamy.kz Kazinform agenttigine silteme jasap.
Qazirgi kezde qurbandar men qırandylar týraly aqparat joq. Alaıda eldiń búkil batys jaǵalaýynda sýnamı qaýpi jarıalandy – tolqyn bıiktigi 5 metrge jetýi múmkin.
Jergilikti turǵyndardy dereý jaǵalaý aımaǵyn tastap ketýge nemese ǵımarattardyń shatyryna shyǵýǵa shaqyryp jatyr.
Sonymen birge, osy sátte respýblıka boıynsha kúshti jer silkinisi týraly eskertý júıesi úshinshi ret iske qosyldy. Jergilikti turǵyndardy jerasty dúmpýine daıyndalýǵa shaqyrdy.