Taıfýn aımaǵynda jeldiń ekpini saǵatyna 234 shaqyrymǵa jetedi.
Jeksenbide Japonıanyń ońtústik bóligin tarıhtaǵy eń kúshti taıfýndardyń biri soqty. Onyń qurbandary men ákelgen zalaly týraly aqparat ázirge joq, dep habarlaıdy Almaty-akshamy.kz QazAqparatqa silteme jasap.
Meteorologtar «Nanmadol» dep ataǵan taıfýn jeksenbi kúni keshke (Eýropada tańerteń) Japonıanyń tórt negizgi araldarynyń ońtústiginde Kagosıma qalasynyń janynda, Kúsúde qurlyqqa shyqqan.
Taıfýn aımaǵynda jeldiń ekpini saǵatyna 234 shaqyrymǵa jetedi (sekýndyna 65 metr). Japonıanyń meteorologıalyq qyzmetiniń baǵalaýy boıynsha, bir táýlikten az ýaqyt ishinde keıbir jerlerde 500 mm-ge jýyq jaýyn-shashyn tústi. Londonda nemese Máskeýde, mysaly, orta eseppen jylyna sál kóbirek - 600-700 mm túsedi.
Mundaı buryn-sońdy bolmaǵan nóser sý tasqynyna, selge jáne kóshkinge qaýip tóndirip otyr. Bılik tórt mıllıonǵa jýyq adamdy qaýipsiz jerge evakýasıalaýǵa shaqyrdy (aralda barlyǵy 13 mıllıon adam turady). Kúsúge poıyzdar, paromdar jáne áýe qatynasy toqtatyldy.
Taıfýn kelgennen keıin kóp uzamaı aralda 200 myńǵa jýyq úı jaryqsyz qaldy.