Onyń quramynda SARS-CoV-2 vırýsynyń aqýyzy bolady
Tokıo medısına ǵylymdary ınstıtýtynyń ǵalymdar toby ómir boıyna koronavırýstan qorǵaıtyn ımýnıtet qalyptastyratyn vaksına jasap jatyr, dep habarlaıdy Almaty-akshamy.kz QazAqparatqa silteme jasap.
The Japan Times basylymynyń senbi kúni habarlaýynsha, klınıkalyq synaqtar shamamen 2023 jyly bastalýy múmkin.
Profesor Mınınorı Koharaı jetekshilik etetin mamandar negiz retinde 18 ǵasyrda brıtandyq dáriger Edvard Djenner oılap tapqan qorasanǵa qarsy vaksınany aldy. Onyń quramynda adamǵa zıany joq sıyr shesheginiń vırýsy bar. Atalǵan vaksına adamzatty aman alyp qalǵan.
Japondyq ǵalymdar qorasanǵa qarsy vaksınanyń rekombınantty vırýsyn jasaýdy oılap otyr. Onyń quramynda SARS-CoV-2 vırýsynyń aqýyzy bolady. Olardyń oıynsha, bul tásil koronavırýstan ómir boıyna qorǵaıtyn ımýnıtet qalyptastyrýǵa kómektesedi.
Tyshqandarǵa qorasanǵa qarsy vaksınanyń rekombınantty vırýsynyń qoldanylýymen tájirıbe jasaldy, nátıjesinde antıdeneler kórsetkishi joǵary bolyp, 20 aıdan asa ýaqyt saqtaldy. Oǵan qosa, 20 aıdan keıin qus tumaýy juqtyrylǵan tyshqandar aman qaldy.
«Men adenovırýs jáne RNQ vaksınasy sıaqty túrli ekpelerdiń tehnologıalarymen jumys istep kórdim, alaıda qorasanǵa qarsy vaksına vırýsynyń vektoryn qoldanatyn preparattar eń myqty bolyp shyqty», - dedi Kohara.
Onyń aıtýynsha, atalǵan vaksınanyń kishigirim janama áserleri bolady, sonymen qatar olar tasymaldaý men saqtaý úshin erekshe jaǵdaıdy qajet etpeıdi.