210 myń adam bıik jerge aýysýǵa májbúr boldy
Jeksenbi kúni tańerteń Japonıada Tynyq muhıtynyń ońtústigindegi Tonga aralynda janartaý atqylap, saldarynan sýnamı boldy. Meteorologıalyq agenttik tabıǵı apat týraly eskertý jarıalap, 210 myń adam bıik jerge aýysýǵa májbúr boldy, dep habarlaıdy Almaty-akshamy.kz QazAqparat agenttigine silteme jasap.
Kyodo News agenttiginiń málimetinshe, 3 metrlik sýnamıdiń Amamı araly men soltústik-shyǵysyndaǵy Ivate prefektýrasyn qosqanda, Japonıanyń ońtústik-batysyndaǵy keıbir araldarǵa zardap keltirýi múmkin ekendigin habarlaǵan.
Senbi kúni tún jarymyna taman Amamı qalasynda 1,2 metr bıik, jeksenbi kúni tańǵy 2:26-da Ivate prefektýrasynda bıiktigi 1,1 metrlik, al Hokkaıdodan Kúso men Okınavaǵa deıin kishigirim sýnamı baıqalǵan.
Órt jáne tabıǵı apattarmen kúres agenttiginiń habarlaýynsha, Aomorı, Ivate, Mıagı, Tıba, Kotı, Mıadzakı jáne Kagosıma prefektýralarynda kem degende 210 myń adamnan jaǵalaýdan ketý suraldy.
Aıta ketsek, sońǵy ret sýnamı týraly eskertý 2016 jyly qarashada Japonıanyń soltústik-shyǵysynda 7,4 baldyq jer silkinisinen keıin jasalǵan bolatyn.