Japonıada koronavırýstyń taralýy tómendedi
Japonıada vırýstyń delta-shtamm nusqasy ózdiginen joıylý sebepti koronavırýstyń taralýy tómendedi. Bul týraly eldiń Genetıka ulttyq ınstıtýtynyń profesory Itýro Inoýe Japan Times basylymyna bergen suhbatynda aıtty, dep habarlaıdy Almaty-akshamy.kz.
Onyń paıymdaýynsha, turaqty túrde mýtasıaǵa ushyrap otyrǵan vırýs delta-shtamdy «buzǵan» jáne sol sebepti ol nusqa ózdiginen joıylyp barady.
Profesor sondaı-aq Japonıada aýrýdyń taralýyna jappaı vaksına alý men ınfeksıadan qorǵaný sharalary da áser etkenin málimdedi.
Buǵan deıin elde úsh aı boıy koronavırýstyń taralýy rekordtyq kórsetkishke deıin jetip, táýligine 26 myń adamnan vırýs anyqtalǵan bolatyn. Qazirgi tańda kúnine anyqtalǵan vırýstyq jaǵdaı 200-ge jeter-jetpes qana.