Japondyq sarapshylar kelesi jylǵy sý tasqyny kezeńine daıyndyq aıasynda Qazaqstannyń 4 oblysyndaǵy 13 gıdrotehnıkalyq qurylysqa zertteý júrgizedi.
Sý resýrstary jáne ırrıgasıa mınıstri Nurjan Nurjigitov Japonıanyń Qazaqstandaǵy Elshisi Djýn Iamadamen jáne Japonıa Halyqaralyq yntymaqtastyq agenttiginiń (JICA) ókilderimen kezdesý barysynda atalǵan yntymaqtastyq máselelerin talqylady, dep habarlaıdy almaty-akshamy.kz Sý resýrstary jáne ırrıgasıa mınıstrligine silteme jasap.
Agenttik mamandary bıylǵy sý tasqyny kezinde óte úlken kólemde sý qabyldaǵan gıdrotehnıkalyq qurylystardy tekseredi. Búgingi tańda Qostanaı, Aqmola, Aqtóbe jáne Abaı oblystarynyń nysandaryn aldyn ala vızýaldy tekseris ótti.
«Japondyq áriptesterimizge kómek kórsetkenderi úshin alǵys aıtqym keledi. Sý tasqyny kezinde bizdiń gıdrotehnıkalyq nysandar túrli apattardyń aldyn alyp, úlken kólemde sýǵa tótep berdi. Bolashaqta bul nysandardyń turaqty jumysyn qamtamasyz etý úshin olardyń jaı–kúıin muqıat zerdelep, yqtımal osaldyqtardy anyqtap, olardy joıý jóninde aldyn ala is-sharalar qabyldaý qajet», - dedi Sý resýrstary jáne ırrıgasıa mınıstri Nurjan Nurjigitov.
Sondaı-aq, taraptar sý tasqynymen tıimdi kúresý úshin gıdrotehnıkalyq qurylystardy avtomattandyrý men sıfrlandyrý máselesin talqylady. Atap aıtqanda, sý jiberý deńgeıi men kólemin anyqtaý úshin eseptegish qondyrǵylardy ornatý jóninde sóılesti.