TJD baspasóz qyzmetiniń málimetinshe, 11 jeltoqsanda saǵat 03:03-te bólimshe púltine Naýryzbaı aýdany, Taýsamaly shaǵyn aýdany, Sádýaqasuly kóshesi, 125 úı mekenjaıynan shyqqan órt týraly habarlama túsken.
Aǵa ınjener, kezekshi aýysymnyń basshysy, azamattyq qorǵaý kapıtany J. Áketaı ótinish berýshimen baılanysyp, jeke turǵyn úıdiń janyp jatqany týraly aqparat aldy. Órt ornyna kelgennen keıin órt sóndirý basshysy úıde adamdardyń bolýyna barlaý júrgizý, sondaı-aq órtti sóndirýge oqpandardy bere otyryp, órtke qarsy is-áreketti óristetý týraly buıryq berdi.
Barlaý júrgizý barysynda bólimshe komandıri Sh. Taıpov, aǵa órt sóndirýshi J. Mamyt adamdardy tapty, olar shok kúıinde bolǵan.
Kezekshi aýysymnyń naqty jáne úılesimdi áreketteriniń arqasynda otbasy músheleriniń ólimine jáne jaraqattanýyna jol berilmedi. Er adam, áıel, jigit pen eki qyz qutqaryldy. Órt 03:24-te oqshaýlandy, 3:40-ta tolyǵymen joıyldy, – delingen TJD habarlamasynda.
Sonymen qatar, úılesimdi jedel is-qımyldardyń arqasynda turǵyn úıdiń bólmelerine ottyń taralýyna jol berilmedi jáne sóndirý jumystary kezinde sý tógilýinen týyndaıtyn materıaldyq shyǵyn barynsha azaıtyldy.