Kósh basynda GGG tur.
The Ring jýrnaly ár salmaq dárejesi boıynsha úzdik boksshylardyń jańa reıtıńin jarıalady, dep habarlaıdy Almaty-akshamy.kz Elorda.info saıtyna silteme jasap.
Orta salmaqtaǵy tizimde qazaqstandyq Gennadıı Golovkın kósh bastap tur. Qazaqstannyń taǵy bir ókili Jánibek Álimhanuly tórtinshi orynnan úshinshi orynǵa kóterildi.
Aıta keteıik, The Ring nusqasy boıynsha orta salmaqtaǵy álem chempıony ataǵy qazir vakantty. Gennadıı Golovkın bul salmaqta WBA Super, IBF jáne IBO tujyrymdary boıynsha álem chempıony bolsa, Jánibek Álimhanuly - WBO tujyrymy boıynsha belbeý ıegeri.
The Ring nusqasy boıynsha eń úzdik orta salmaqtaǵy Top-10 boksshy:
1 (1). Gennadıı Golovkın (Qazaqstan);
2 (3). Haıme Mýngıa (Meksıka):
3 (4). Jánibek Álimhanuly (Qazaqstan);
4 (6). Karlos Adames (Domınıkan Respýblıkasy);
5 (-). Lıam Smıt (Ulybrıtanıa);
6 (7). Rıota Mýrata (Japonıa);
7 (8). Sergeı Derevánchenko (Ýkraına);
8 (9). Erıslandı Lara (Kýba);
9 (10). Felıks Kesh (Ulybrıtanıa);
10 (5). Kishi Krıs Iýbenk (Ulybrıtanıa).