Jánibek Álimhanuly kelesi jyly orta salmaqtaǵy taǵy eki chempıondyq belbeýge talasýy múmkin. Álem chempıonynyń qorjynynda qazir kásipqoı bokstan WBO jáne IBF nusqalary boıynsha chempıondyq ataq bar. Qazaqstan.tv-ge suhbat bergen sportshynyń sózinshe, promoýterlik kompanıalar qarsylastyrymen kelissóz júrgizip jatyr. Qazir WBC chempıondyq belbeýi amerıkalyq Djermall Charloda bolsa, WBA tıtýly Erısladnı Laranyń enshisinde, dep habarlaıdy almaty-akshamy.kz.
Jánibek Álimhanuly, WBO jáne IBF nusqalary boıynsha álem chempıony:
Qarsylastar qazir Laro men Charloǵa usynys jasaldy. Kelissózder júrgizilip jatyr. Bizdiń tıtýldardyń qorǵaýy bar. Sol jaǵynan da bir-eki qarsylastar shyǵady. Sonyń bárin promoýterlik kompanıamen, menedjermen kelise otyryp, bir chempıon qarsylasty tańdap, sony uramyz.
Sportshy jattyǵýdy bastaý úshin qańtar aıynda AQSH-qa attanady. Jekpe-jek naýryz aıynyń aıaǵynda nemese sáýirdiń basynda bolýy múmkin. Boksshynyń sózinshe, sheteldik kompanıamen kelisimshartqa sáıkes, eshbir telearnaǵa shyǵýyna bolmaıdy eken. Dese de, Jánibek Amerıkaǵa attanar aldynda Ulttyq arnaǵa suhbat berip, josparlarymen bólisti. «Qazaq style» atymen tanymal kásipqoı boksshyǵa kúıshi Ermek Qazmuhambetov avtorlyq «Er Jánibek» kúıin arnap, sáttilik tiledi.