Orta salmaqtaǵy WBO tujyrymy boıynsha álem chempıony qazaqstandyq Jánibek Álimhanuly Dúnıejúzilik boks uıymy reıtıńiniń kóshbasshysy meksıkalyq Haıme Mýngıaǵa qarsy jekpe-jek týraly pikir bildirdi, dep habarlaıdy Almaty-akshamy.kz Prosports.kz-ke silteme jasap.
13 qarashada tańerteń Las-Vegasta Álimhanuly ulybrıtanıalyq Denzel Bentlıdi tóreshiler sheshimimen jeńip, WBO tujyrymy boıynsha chempıondyq ataǵyn alǵash ret qorǵaǵan. Buǵan deıin WBO prezıdenti Álimhanuly jeńiske jetse, chempıondyq ataǵyn meksıkalyq Haıme Mýngýıaǵa qarsy kezdesýde qorǵaýǵa mindetteıtinin aıtqan edi.
«Mýngıa menimen jekpe-jek ótkizýge kelisedi dep úmittenemin jáne kútemin», - dep jazdy Jánibek Tvıtterde.
Mýngıada 40 jeńis pen 0 jeńilis bar. Ol orta salmaqtaǵy WBO reıtıńinde birinshi orynda tur. Haıme jartylaı birinshi orta salmaqtaǵy WBO belbeýiniń ıegeri. Ol rıngke 19 qarashada Gvadalaharada (Meksıka) argentınalyq Gonsalo Korıaǵa jekpe-jekte shyǵady.