Prezıdent suhbatynda eldiń jańǵyrýdyń jańa kezeńine qadam basqanyn atap, onyń ózegi azamattardyń ómirinde naqty ózgerister jasaýǵa baǵyttalǵanyn basa aıtqan bolatyn. Osyǵan baılanysty óńirlerdiń basty mindeti – reformalardy naqty ispen tolyqtyryp, olardy naqty áleýmettik-ekonomıkalyq nátıjelerge aınaldyrý.
Keńes barysynda shaǵyn jáne orta bıznesti damytý, týrızm, áleýmettik qoldaý jáne bilim berý jaıy qaraldy. Bul baǵyttar halyqty jumyspen qamtýǵa, tabysynyń ósýine jáne qalalyq ortanyń sapasyna tikeleı áser etedi.
Darhan Satybaldy Almatynyń kásipkerlikti damytýda kóshbasshy ornyn saqtap otyrǵanyn jetkizdi. Qalada shamamen 405 myń shaǵyn jáne orta bıznes sýbektisi jumys isteıdi, bul eldegi barlyq SHOB-tyń 18 paıyzy. Shaǵyn jáne orta bıznestiń qala ekonomıkasyna qosyp otyrǵan úlesi 60 paıyzǵa jetse, osy salada eńbekke jaramdy turǵyndardyń 90 paıyzyna jýyǵy jumyspen qamtylǵan. 2025 jyldyń qorytyndysy boıynsha SHOB-tan 1,2 trln teńge salyq túsimi túsken.
Týrızm salasynda Almatyda negizgi kórsetkishter boıynsha turaqty ósim baıqalady. 2025 jyldyń toǵyz aıynda týrıser sany 8 paıyzǵa artyp, 1,9 mln adamǵa jetti, kórsetilgen týrısik qyzmet kólemi 17,3 paıyzǵa ósip, 82,4 mlrd teńge boldy. 2026 jyly týrısik ınfraqurylymdy odan ári damytý josparlanyp otyr, onyń ishinde 350 shaqyrym taý soqpaǵyn kórkeıtý kózdelgen.
Keńes barysynda Nú-Iork, Máskeý jáne Parıj qalalarynyń tájirıbesi negizinde «24/7 qala» modelin engizýge erekshe kóńil bólindi. Túngi ýaqyttaǵy qaýipsizdikti arttyrý, qalanyń jaryqtandyrylýy, mádenı jáne týrısik nysandardyń jumys jaıy talqylandy.
Áleýmettik salada qoldaýǵa muqtaj azamattarǵa memlekettik kómektiń naqty ári tıimdi jetýine jáne masyldyqqa beıimdilikti tómendetýge basymdyq berildi. 2025 jyly qalada áleýmettik qoldaý sharalaryna 38,8 mlrd teńge bólinip, shamamen 330 myń adam qamtyldy. Sıfrlyq quraldar men muqtajdyqtyń jańa ólshemderin engizý nátıjesinde ataýly áleýmettik kómek alýshylar sany 2023 jylǵy 21 myńnan 2025 jyly 10 myńǵa deıin azaıdy. Bul áleýmettik saıasattyń tıimdi úlgisine kóshýdi kórsetedi.
Bilim berý salasynda jan basyna shaqqandaǵy qarjylandyrý jáne sapaly bilim berý qyzmetine qoljetimdilikti keńeıtý máselesi talqylandy. 2026 jyly Almatydaǵy bilim berý júıesin qarjylandyrýǵa 432 mlrd teńgeden astam qarajat qarastyrylǵan. Bul qarjy mektepke deıingi, orta jáne qosymsha bilim berý, sondaı-aq erekshe bilim berý qajettiligi bar balalardy qoldaýǵa baǵyttalady.
Darhan Satybaldy Memleket basshysy aıqyndaǵan mindetterdi júzege asyrý jańa jumys oryndaryn ashý, áleýmettik qyzmettiń qoljetimdiligin arttyrý, ınfraqurylymdy damytý jáne qolaıly qalalyq orta qalyptastyrý syndy qala basqarýynyń barlyq deńgeıinen turǵyndar naqty sezinetin nátıjege baǵyttalǵan aıqyn ustanymdy talap etetinin jetkizdi.
Keńes qorytyndysy boıynsha salalyq basqarmalar men aýdan ákimdikterine basym baǵyttardy iske asyrýda úılesimdi jumys júrgizý, búdjet qarajatynyń tıimdi jumsalýyn qatań baqylaý jáne qabyldanatyn barlyq sheshimdi almatylyqtardyń turmys sapasyn arttyrýǵa baǵyttaý tapsyryldy.