Taraz qalasynyń ákimshilik quqyqbuzýshylyq jónindegi mamandandyrylǵan soty 12 oqýshynyń tamaqtan ýlanýyna qatysty isti qarap, jeke kásipkerge aıyppul saldy, - dep habarlaıdy Aqshamnews.kz tilshisi.
Oqıǵa byltyr qarashada Baızaq aýdanynda bolǵan: dúkennen býrger alǵan 12 oqýshy ýlaný belgilerimen aýrýhanaǵa túsken. Jospardan tys tekserý kezinde taǵam úlgilerinen ishek taıaqshalary tobynyń bakterıalary anyqtalyp, ónimdi daıyndaýda sanıtarlyq talaptardyń buzylǵany belgili boldy.
Sotta kásipker kinásin ishinara moıyndap, "bir mezette 12 bala ýlanýy múmkin emes" dep ýáj aıtqan. Onyń sózinshe, dúkenge kúnine úsh býrger ǵana jetkiziledi.
Degenmen sot jeke kásipkerdi ÁQBtK-niń 425-baby 2-bóligi boıynsha kináli dep tanyp, 1,2 mln teńge aıyppul taǵaıyndady. Aıyppul kólemi 30%-ǵa qysqartyldy. Kásipkerdiń qaramaǵynda 9 qyzmetker baryn eskergen sot dúken qyzmetin toqtatpaý týraly sheshim qabyldaǵan.
Sot qaýlysy zańdy kúshine endi.