Onyń basty sebebi – «delta» shtammy bolyp otyr.
Almaty qalasynyń bas sanıtarlyq dárigeri Jandarbek Bekshın Óńirlik komýnıkasıalar qyzmetiniń alańynda ótken onlaın suhbatynda qalamyz koronavırýs boıynsha 4-tolqynnyń aldynda turǵanyn aıtty, dep habarlaıdy Almaty-akshamy.kz.
«Qatań shekteý rejımin engizýge májbúr bolyp otyrmyz. Kásipkerlerge aıtarym, bizdi de túsinińizder. Bul «úndi» shtamy basqalarǵa qaraǵanda aýyr bolǵandyqtan, osyndaı uıǵarymǵa keldik. Biz «jasyl» aımaqqa ótkende, aýrý kórsetkishi táýligine 100 naýqasqa deıin tómendedi, biraq jańa shtamdarǵa baılanysty aýrý sany kúrt ósti. Úndi shtamynyń basqa mýtasıalanǵan shtamdarmen salystyrǵanda patogendiligi joǵary. Infeksıanyń taralýyna jol bermeý úshin qatań sharalardy qabyldaýǵa májbúr boldyq», – dedi Jandarbek Bekshın.