Almaty qalasynda tumaý maýsymyndaǵy vaksına máselesi qarastyryldy.
Almaty qalasynda jańa tumaý maýsymynyń aldynda qosymsha 50 myń ekpe dozasyn satyp alý máselesi qarastyrylyp jatyr. Bul týraly sanıtarıalyq-epıdemıologıalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın málimdedi, dep habarlaıdy Almaty-akshamy.kz Informburo.kz-ke silteme jasap.
«Tumaýdyń jańa maýsymy aldynda qoǵamdyq densaýlyq saqtaý basqarmasy 130 myń dozaǵa suranys jiberdi. Sondaı-aq, qosymsha 50 myń dozaǵa suranys jiberý máselesi qarastyrylyp jatyr», – dedi vedomstvo basshysy.
Jandarbek Bekshın elde bar tumaýǵa qarsy vaksına túrlerine toqtaldy. Ol qandaı da bir ekpeni jarnamalaǵysy kelmeıtinin aıtyp ótti.
«Dál qazir qandaı ekpe jetkiziletinin aıta almaımyz. Óıtkeni, konkýrstyq prosedýralardy Densaýlyq saqtaý mınıstrligi ótkizedi. Golandıanyń «Inflúvak» vaksınasy týraly bilemiz. Bizde Reseıdiń «Grıppol» jáne taǵy Fransıa ekpesi bar. Olardyń tıimdiligi dáleldengen. Sol sebepti jeke bir vaksınany alyp jarnamalaǵym kelmeıdi», – dedi Jandarbek Bekshın.
Munymen qatar, vedomstvo ókili atalǵan ekpelerdi aqyly negizde alý máselesine toqtaldy.