"Qazgıdromet" RMK sınoptıkteri erteń, 11 naýryzda 10 óńirde jańbyr men qar jaýyp, kóktaıǵaq bolady jáne ekpini kúshti jel soǵady, dep habarlaıdy almaty-akshamy.kz
Pavlodar oblysynyń batysynda, soltústiginde, shyǵysynda azdaǵan jaýyn-shashyn (qar, jańbyr) jaýady, kóktaıǵaq bolady. Ońtústik-batystan jel soǵady, kúndiz oblystyń batysynda, soltústiginde, shyǵysynda ekpini sekýndyna 15-20 metrge jetedi.
Batys Qazaqstan oblysynyń soltústiginde, shyǵysynda, ońtústiginde tuman, kóktaıǵaq bolady.
Qostanaı oblysynyń shyǵysynda, ońtústiginde jaıaý burqasyn soǵady. Oblystyń batysynda, ońtústiginde tuman túsedi. Ońtústik-batystan jel soǵady, túnde oblystyń ońtústiginde ekpini sekýndyna 15-20 metrge deıin jetedi.
Atyraý oblysynyń soltústiginde, ońtústiginde, shyǵysynda tuman, kóktaıǵaq. Ońtústik-batystan soltústik-batysqa aýysyp jel soǵady, kúndiz oblystyń batysynda, soltústiginde, ońtústiginde ekpini 15-20 m/s.
Soltústik Qazaqstan oblysynda túnde qar, kúndiz oblystyń ońtústiginde azdaǵan qar kútiledi. Oblystyń ońtústiginde jaıaý burqasyn kútiledi. Túnde jáne tańerteń oblystyń batysynda tuman kútiledi. Ońtústik-batystan jel soǵady, kúndiz oblystyń ońtústiginde ekpini – 15-20 m/s.
Abaı oblysynyń batysynda, soltústiginde, ońtústiginde jaýyn-shashyn (jańbyr, qar) jaýady, kóktaıǵaq bolady. Jel ońtústik-batystan soǵady, kúndiz oblystyń batysynda, soltústiginde, ortalyǵynda sekýndyna 15-20 metrge deıin jetedi.
Shyǵys Qazaqstan oblysynyń soltústiginde, shyǵysynda, ońtústiginde jaýyn-shashyn (jańbyr, qar), kóktaıǵaq. Jel ońtústikten, ońtústik-batystan soǵady, kúndiz oblystyń soltústiginde ekpini – 15-20 m/s.
Qyzylorda oblysynyń ońtústiginde, ortalyǵynda tuman túsedi.
Mańǵystaý oblysynyń soltústiginde, shyǵysynda tuman.
Aqtóbe oblysynyń soltústiginde, batysynda, ońtústiginde tuman túsedi.