Búgingi kúni jasandy ıntellekt (JI) tehnologıalary qoǵamnyń barlyq salasyna enip keledi. Bilim berý júıesinde, sonyń ishinde mektepke deıingi uıymdarda (balabaqshalarda) JI elementterin qoldaný – balalardyń erte jasynan sıfrlyq saýattylyǵyn arttyrý men jeke qabiletin damytýǵa úlken múmkindik beredi. JI elementteri – bul adamnyń oılaý, taldaý, úırený qabiletterin elikteıtin baǵdarlamalar nemese qurylǵylar. Mektepke deıingi deńgeıde JI tolyq júıe retinde emes, qarapaıym elementteri túrinde qoldanylady. Jalpy, mektepke deıingi bilim berý uıymdarynda jasandy ıntellekt (JI) elementterin qoldaný» qazirgi zamanda ózekti másele ekeni anyq. Sondyqtan atalmysh balabaqshadaǵy oqý qyzmetinde JI quraldaryn qoldanýdyń ádis tásilderin kórsetti.
- Mektepke deıingi bilim berý uıymdarynda JI elementterin paıdalaný arqyly oqý-tárbıe prosesin tıimdi uıymdastyrý, balalardyń tanymdyq jáne shyǵarmashylyq qabiletterin damytýǵa bolady. Ótkizilip otyrǵan sharanyń maqsaty-pedagogtarǵa ádistemelik kómek berip, sıfrlyq mádenıetti qalyptastyrý. Pedagogtardyń shyǵarmashylyq áleýmetin arttyrý jańa tehnologıalardy qoldanýdaǵy belsendiligin damyta otyryp, ınteraktıvti tapsyrmalar, ertegiler men kórnekilikter jasaý arqyly tájirıbıe almasý alańyn uıymdastyrý, -deıdi №15 bóbekjaı-balabaqsha meńgerýshisi Quralaı Uıqasova.
Mektepke deıingi uıymdarda JI elementterin engizý – balanyń bolashaq sıfrlyq qoǵamǵa beıimdelýine jol ashady. Jıyn barysynda semınarǵa qatysýshylar JI tehnologıalarynyń túrlerin tanystyryp, balalardyń jas erekshelikterine saı qoldaný joldaryn kórsetti. Máselen, ınteraktıvti oıyndar — balanyń jaýaptaryna qaraı beıimdeletin oqý oıyndary bolsa, olarǵa dybystyq kómekshiler retinde (Google Assistant, Alexa, Alice) qurylǵylaryn, sýret pen pishindi taný baǵdarlamalaryn, ıaǵnı, balanyń salǵan sýretin taldaıtyn qosymshalardy paıdalanyp, tanymdyq suraqtarǵa jaýap beredi. Balabaqsha ádiskeri Baǵdat Nurjekeeva, tárbıeshiler Ásem Máıkenova, Aısha Nurtaeva, psıholog A. Shaımuhanova jıynnyń maǵynaly da, mańyzdy ótýine erekshe úles qosty.
Eń bastysy – JI men adamnyń ózara áreketin úılesimdi etý, ıaǵnı tehnologıany qural retinde durys paıdalaný.