AQSH-tyń Kalıfornıa shtatynda janarmaımen júretin kólikterdi satýǵa tyıym salyndy, dep habarlaıdy Almaty-akshamy.kz.
Áýe resýrstary jónindegi aımaqtyq keńes osyndaı sheshim shyǵarǵan. Sonymen qatar 2035 jylǵa qaraı zaýyttar ekologıaǵa zıandy kólik óndirý kólemin qysqartýǵa tıis.
Máselen, 4 jyldyń ishinde avtoóndirýshiler aýaǵa eshqandaı zalal keltirmeıtin kólikterdiń úlesin 35 paıyzǵa jetkizbek. Bul sharalar klımat ózgerisiniń teris saldarymen kúresýge baǵyttalǵan.
Alaıda elektrli kólikterdi kóbeıtýge kedergi kóp. Eń basty tosqaýyl - shtat boıynsha qýattaý beketteri áli de jetkiliksiz. Dese de, Kalıfornıa shtaty 2045 jylǵa deıin 100 paıyz balamaly energıa qoldanatyn kólikterge kóshý maqsatyn qoıǵan.
Endi bul jospar Úkimet deńgeıinde bekitilýi kerek.