Almatydaǵy ftızıopýlmonologıa ortalyǵynyń dırektory Janar Sápıeva Óńirlik komýnıkasıalar qyzmetiniń brıfıńinde Ortalyqtaǵy kovıdtik stasıonardyń jumysy týraly jáne koronavırýstyń «delta» shtamynyń jańa klınıkalyq kórinisteri týraly naqtyly aıtty.
J. Sápıevanyń aıtýynsha, ftızıopýlmonologıalyq ortalyq 2020 jyly qala ákimdiginiń nusqaýymen koronavırýs ınfeksıasymen syrqattanǵan pasıentterge stasıonarlyq kómek kórsetýge daıyndalǵan. Ortalyqta barlyq qajetti medısınalyq jabdyqtar bar, stasıonarlyq kómek kórsetý úshin 280 tósek-oryn ornalastyrylǵan. Ortalyq sonymen qatar «Halyq Arena» sport kesheniniń «úshinshi eshelony» retinde jumys isteıdi. Ol qaıta beıimdelip, derttiń shyrqaý shegi men epıdemıologıalyq ahýal órshigen kezde rezervtik aýrýhana retinde paıdalanylady.
«Ftızıopýlmonologıa ortalyǵy qazirgi kezde úsh nysanda jumys jasaýda jáne bizge «birinshi eshelon» retinde kún saıyn kóptegen pasıentter túsýde. Sońǵy 2 apta ishinde pasıentter kóp tústi jáne olardyń jaǵdaılary aýyr boldy», - dedi ortalyq dırektory.
Dáriger «delta» shtamynyń taralýy barysynda derttiń klınıkalyq kórinisiniń ózgergenin basa aıtty. Birinshiden, aýrýhanaǵa túsetin pasıentter sany kúrt ósti. Bul shtamm denede tez kóbeıedi, tez taralady jáne ınkýbasıalyq kezeńi qysqa bolady. Qazir 7-8 kún. Ekinshiden, túsken pasıentter ókpeleri qatty zaqymdanǵan.
«Eger biz buryn ókpesi 20-30 paıyz zaqymdanǵan ortasha aýyrlyqtaǵy naýqastardy qabyldasaq, qazir adamdar 30 paıyzdan astam zaqymdanýmen túsýde», - dedi J. Sápıeva.
Dárigerdiń aıtýynsha, alǵashqy kúnderi bul aýrý sýyq tıýge uqsaıdy jáne kóptegen adamdar bul belgilerdi eleýsiz qabyldamaıdy, onyń ishinde dene qyzýynyń tómendeýi, qaltyraý, shamaly jótel, álsizdik jáne bas aýrýlary. Sodan keıin 2-3 kúnnen keıin klınıka shapshańdaıdy. Sondyqtan, J. Sápıeva pasıentterge olardyń jaǵdaıyn muqıat baqylaýǵa jáne eger temperatýra kóterilse, emhanaǵa barýǵa, múmkin, kókirek qýysyn tekserýden ótkizýge keńes beredi.
«Ókpeniń 30% zaqymdanýymen keletin pasıentterde birneshe kún ishinde ókpeniń 60% zaqymdalady. Sonymen qatar, aýrýdyń klınıkalyq kórinisine qusý, júrek aınýy, dıareıa, býyn aýrýy, bulshyq et aýrýy jáne joǵary qyzý sıaqty kórinister qosyldy. Bizdiń pasıentterdiń shamamen 70 paıyzynyń temperatýrasy joǵary. Olardyń árqaısysymen jeke jumys isteýimiz kerek», - dedi dáriger.
Sonymen qatar, J. Sápıeva KVI «delta» shtamymen ınfeksıanyń taǵy bir óte qaýipti kórinisi týraly habarlady - qandaǵy trombosıtter sanynyń artýy, bul trombozdan ólý yqtımaldyǵyn arttyrady.
«Nevrologıalyq sımptomdar da qosylady – bas aýrýy, depressıa, keıbir egde jastaǵy naýqastarda mıdaǵy qan aınalymy buzylady», - dedi dáriger.